Mest lisnu greinastubbar í 2020

2020 hevur verið eitt øðrvísi ár í nógvar mátar, og nú vit taka samanum yvir mest lisnu greinarnar á Portalinum, so er tað korona, sum fyllir tað mesta

Covid-19 ávirkar eisini topplistan (Mynd: Sverri Egholm)

SkrivaÐ:

Sverri Egholm

Korona fyllir tað mesta á listanum, men eisini greinastubbar sum snúgva seg um annað hava sníkt seg uppí.

1. Smádreingir fingu sýru í seg

(14. august 2020) Mest lisna søgan í farna árinum snýr seg ikki um nakra farsótt, men um nakrar óhepnar smádreingir, sum í skundi máttu flytast á sjúkrahús, tí teir gjørdust freistaðir av einari fløsku sum innihelt meyrusýru. Tað var álvarsligt, men endaði væl, og dreingirnir fingu ikki varandi mein. Les greinina her

2. Fyrsti føroyingur smittaður av corona

(4. mars 2020) Á tíðindafundi í Heilsumálaráðnum 4. mars kunngerð Kaj Leo Holm Johannesen, landsstýrismaður, at fyrsti føroyingur er testaður positivur við korona (tá við c). Les greinina her

3. Nú er ein nýggjur tilburður staðfestur

(5. juli 2020) Eftir næstan tveir mánaðir við koronafríum Føroyum í summar gongur tað ikki longur. Ein nýggjur tilburður verður staðfestur á flogvøllinum 4. juli. Les greinina her

4. Bræv úr sóttarhaldinum: - Vit eru slept upp á fjall

(11. mars 2020) - Tað er als eingin feria at verða settur í sóttarhald á Hotel Vágum, greiðir ein sum hevur sitið avbyrgdur frá. Viðkomandi lat Portalinum eitt skriv, har hvussu tað kennist at sita avbyrgdur handan myrklegningsgardinurnar. Les greinina her

5. Seks føroyingar afturat fingið coronavirus

(14. mars 2020) Vit eru í mars, tá koronavirusið byrjar at taka dik á seg. 100 fólk vórðu kannað 13. mars, og seks føroyingar vórðu staðfestir positivir. Samlaða talið av smittaðum kom sostatt upp á níggju. Les greinina her

6. Móðir og dóttir sleppa ikki at vera saman

(20. august 2020) Elsa Maria Dam Kongslíð og Erhard Pætursson Kongslíð gjørdust foreldur til eina vælskapta dóttur, men tí at mamman fekk korona og lá í intensivari viðgerð fyri tað, slapp hon ikki at vera saman við barninum. Les greinina her

7. “Niðriandi og ótespiligar orðingar” í umferð á Glasi

(4. september 2020) Sonevndi “Straffbarlistin” er í umferð á Glasi, har mett verður um hvørjir flokkar, næmingar, lærlingar og starvsfólk - við navni - eru “lekkrast”. Rektarin er skelkaður og letur løgregluni málið. Les greinina her

8. Jacob Vestergaard fekk øði í Henrik Old

(19. november 2020) Við einari viðmerking til Henrik Old um, at Jacob Vestergaard segði seg hava somu meining í andstøðu sum í samgongu, kom øði í javnaðartingmannin. Gott undirhald. Les greinina her

9. Føroyingar keypa eisini inn undir seg

(11. mars 2020) Í Danmark hava tey júst havt tíðindafund, og danski forsætisráðharrin hevur latið landið aftur. Hetta fær ikki bara danir, men eisini føroyingar upp úr sofuni eitt vanligt mikukvøld í mars og fólk streyma inn í matvøruhandlar at keypa inn undir seg. Serliga er tað vesipappír, sum koronabangnir føroyingar í panikki vilja tryggja sær. Les greinina her

10. Millum tey ríkastu í kongaríkinum

(30. oktober 2020) Regin Jacobsen og mamma hansara Oddvør Jacobsen, sum eiga Bakkafrost, eru á listanum yvir tey ríkastu í Danmark, sum Berlingske kunngerð. Sambært blaðnum eiga tey eina ogn virði 3,9 milliardir og eru nummar 33 á listanum. Les greinina her

Greinin varð fyrstu ferð løgd út 02. Jan 2021

- Fyri mær stendur serliga eitt orð sterkt - tað er orðið »álit«

Nýggjársrøða løgmans 2020

 

SkrivaÐ:

Bárður á Steig Nielsen, løgmaður

Góðu føroyingar

Nú lýsnar aftur.

Bæði fyri einum ókendum ári og kenda gerandisdegnum. Vónin er vaknað og styrknar støðugt. 

Tá ið eg sat her seinast, var einki, sum bendi á, at allur heimurin fór at verða settur í undantaksstøðu.

Men føroyingar vita, at góðar tíðir og krepputíðir koma og fara - og skiftast um at ávirka lív og levnað. 

Árið byrjaði væl. Men bakkastið kom við vársins tjøldrum. 

Tað er ein áminning um, at vit kunnu ætla, vilja og ynskja okkum, men vit ráða ikki í øllum lutum. Vit fáa ikki vart okkum fyri øllum. 

Og hvat er so at siga um hetta árið, sum fer? Sum hevði so stórar avleiðingar fyri einstaklingar, felagsskapir og vinnulív? 

Hvussu taka vit samanum? 

Fyri mær stendur serliga eitt orð sterkt. Eitt orð, sum í øldir hevur merkt lívið í Føroyum. Tað er orðið »álit«. 

- Vit hava havt álit á hvør øðrum
Álitið er ein av stóru orsøkunum til, at tað í Føroyum hóast alt hevur gingist so væl. Betur enn aðrastaðni.

Vit hava havt álit á hvør øðrum - og vit hava havt fult álit á, at eisini hesum kundu vit knógva.

Og nú tað aftur lýsir í, er mítt álit á fólk og framtíð her á landi bjartari enn nakrantíð. 

Øll hava ikki verið samd við meg í, at loysnin til hesa kreppuna skuldi byggjast á álit. »Tað er ov veikt«, varð sagt. »Vit mugu lóggeva«.

Sum politikari ert tú vanur við, at fólk eru ósamd. At grundgeva fyri og ímóti er partur av einum livandi fólkaræði.

Men hetta var øðrvísi. Serliga í fyrstuni var ilt at vita, hvat var rætt at gera. 

Víst havi eg ivast. Víst kundu vit gjørt okkurt øðrvísi. 

Tó at enn ein bylgja rakti okkum nú, eri eg í dag takksamur fyri, at sjúkan higartil ongan føroying hevur tikið. Tað var málið; tað var vónin, men vit óttaðust tað ringasta, tí vit sóu støðuna kring okkum. 

Góðu ráðgevarnir mæltu til kanning, sporing og avbyrging. Tað var munagóða ætlanin, sum vit hildu okkum til.  Endaligu avgerðinar vóru tó mínar. Og eg taki fulla ábyrgd av tí, ið varð gjørt. 

Fólk hava skemtað við, at ein vestmenningur setti Føroyar niður í ferð. 

Avgerðin var tó ikki løtt. Tað er ikki nakað, ein løgmaður vil gera. Biðja fólk snara lykilin og fara til hús at mala sínar sprittaðu tumlar.   

Eg veit, at nógv serlig tiltøk vóru av ongum í ár. Føðingardagar, brúdleyp og húgvuveitslur. Eg, sum eigi at fegnast um lív og hátíðarhald, steðgaði tí.

Nógv afturvendandi tiltøk vórðu avlýst. Páska- og jólahald. Undirvísing, ítróttur, kirkju- og samkomulív og festivalar. Eg, sum eigi at eggja til alt hetta, mælti frá tí. 

Aftur at tí kom alt tað óvæntaða. Jarðarferðir “í stillum” - og sjúka við ongari vitjan.

- Vit gjørdu, sum vit gjørdu, tí tað mátti gerast
Eg veit, at tað hevur sviðið. Og eg hevði ætlað tað øvugta. At stimbra virkishugin og eggja fólki til at brúka síni evni; trívast og mennast.

Men vit gjørdu, sum vit gjørdu, tí tað mátti gerast. Og eg tvíhelt um álit og tilmæli. 

Tí spurningurin um álit ella eftirlit rakar kjarnan í míni sannføring.

Vísir tú fólki álit, taka tey ábyrgd og vaksa við uppgávuni. Hugurin at finna nýggjar loysnir verður kveiktur. 

Stýrir tú hinvegin neyvt niður í hvønn smálut, verða fólk ónøgd og hugurin at loysa uppgávurnar dalar.  

Hetta farna árið hevur bara styrkt mína sannføring um hetta. 

Fólk hava verið álítandi. Ikki av ótta fyri lóg og revsing, men av egnum, fríum vilja -  fyri at verja seg sjálv og hini.  

Og álitið er í føroyska merginum. 

Stundum eru vit rúkandi ósamd, men tá ið á stendur, standa vit saman. Tí hvønn annan hava vit, her úti í tí harðbalna Atlantshavinum? 

Frá gamlari tíð hevur lívið her verið merkt av skiftandi veðri, skiftandi fiskaríi og óstøðugum gróðri.  

Vit hjálpa hvør øðrum, tí vit kenna álvaran í at standa einsamøll. Bara soleiðis eru vit komin undan. Soleiðis er tað framvegis. 

Húsini eru ólæst. Gloyma vit pengamappuna, vænta vit, at hon liggur órørd.

Tú kanst siga, at tað er bláoygt. Men kortini ikki bara. Tí treytaleysa álitið hevur so mangan prógvað sítt virði. Soleiðis eru vit uppald. Soleiðis uppala vit børnini. 

- Tað er onki "bara" við tilmælum
Vit seta stóra æru í at vera álítandi. Og vit vænta eisini av øðrum, at tey eru okkara álit verd. Álit er ikki nakað, sum tú gevur og tekur eftir tørvi. Og brýtur tú tað, kann tað vera drúgt at endurvinna.

So tá ið fólk hava spurt, hví vit BARA skulu hava tilmæli í Føroyum, havi eg hugsað, at tað er sanniliga einki “bara” við tí.

Vit hava í ár verið heimsins frælsasta fólk í heimsins besta landi, og partar av árinum hava vit stórt sæð livað sum vant.

Sjálvandi kundu vit sett lógaravmarkingar á. Bannað allari ferðing. Gjørt tað revisvert at savnast ella vera úti. Við valdi tikið øll, sum skuldu í sóttarhald.

Tað varð gjørt aðrastaðni. Men hondina á hjartað - er tað eitt slíkt samfelag, vit ynskja okkum? Hetta er ikki mítt stavnhald. 

Øll lóggáva er ein javnvág á eini knívsegg. Víst tørvar okkum lógir, men tær skulu vera grundaðar á skynsemi - ikki skund og sansaloysi.

Her hevur lítla samfelagið eisini verið ein fyrimunur. Mangan verður tað sæð sum ein bági, men ein lítil skúta er lættari at manerera enn ein stór skúta.

- Vit hava øll rindað prísin
Øll hava staðið saman, tó at tilmælini hava kostað. Og vit hava øll rindað prísin - heilt frá nýføðingum til okkara elstu. Summi við sakni og einsemi. Onnur fíggjarliga. 

Kortini hava øll hildið fast. Allir liðir hava staðið sum ein brimgarður um tey í vandabólkinum og um føroyska heilsuverkið. Eisini tær vinnugreinar, sum fingu nakrar dyggar sjógvar. 

Samstarvið ímillum privat og alment hevur verið sjáldsama gott. Vinnulívið hevur latið milliónir til gransking um tøl og skuggatøl, fíggjað kanningarútgerð til sjúkrahúsini og latið øki til kanningarnar. 

Vit hava sæð tænastu út um tað vanliga. Breitt politiskt samstarv. Kirkjur og samkomur hava biðið uttan íhald, og allastaðni hava føroyingar rætt sínar hjálpandi hendur fram. 

Vit hava sæð hvønn týdning, hvørt einstakt fólk hevur. Hvussu skjótt vit kunnu gera mun fyri onnur. Men eisini hvussu skjótt bara ein óskettin persónur kann ávirka hini.

Tá ið hóttanin aftur er vaksin, hava øll tó drigið eina línu og steðgað smittuni. Vit hava tillagað okkum og fingið tað besta burturúr. 

Og hóast nøkur hava verið ósamd, ørkymlað og vildu ynskt, at vit handlaðu øðrvísi, er alt kortini farið friðarliga fram. 

Grundleggjandi álitið er ikki skolað burtur, hóast sjógvarnir hava brotið javnt og samt. 

- Í Føroyum er fólkaræðið sterkt
Tað eiga vit ikki at taka fyri givið, tí mangastaðni er tað hinvegin misálit, sum eyðkennir farandi árið.

Misálit á politikarar, fólkið, heilsumyndugleikar, lógir og skipanir. 

Í Føroyum høvdu vit kommunuval. Tá ið upptalt var, ivaðist eingin, um úrslitið nú mundi vera rætt. 

Tað, hava vit í ár sæð, er ikki galdandi allastaðni. Slíkt misálit setur djúpar sprungur í viðbrekna fólkaræðið. Tí fólkaræðið er bara so sterkt, sum álitið á tað er. 

Í Føroyum er fólkaræðið enn sterkt, tí grundleggjandi álitið framvegis er óskalað.

Og sum heild eru vit í eini góðari støðu, nú vit blaða upp á eitt nýtt, óskrivað ár. 

Vit eru farin at koppseta. Landskassin lak ikki so illa, sum vit stúrdu fyri, tí árið hilnaðist betur enn væntað í vár. Vit lótu hjálparpakkar, men hildu eisini aftur fyri at standa ímóti, um ringarnir skuldu breitt seg inn í komandi ár. Og framvegis skulu skúlar, heilsu- og almannaverk vera millum tey bestu. Tað skulu vit framvegis hava ráð til.

Politiskt taka vit í aftur arbeiðssetningar, sum í vár vórðu lagdir til viks. Bústaðaravbjóðingina, gongd í haga, veiðigjøld - og grøna orkuskiftið. Í ár hava vit sæð, at náttúra og vistskipanir koma seg, um menniskjan tálmar nýtsluni. Enn er ikki ov seint, men broytingin má koma nú.

Føroyska vinnan er sum heild væl fyri. Fyri summi var árið tungt, meðan onnur settu met. Føroyingar hava keypt og ferðast herheima, og eg havi álit á, at tað skjótt fer at fjara av fyltu fiskagoymslunum. Tí vit vita, at við vaksinuni fer lívið - eisini vinnulívið - at líkjast sær sjálvum aftur.

Men her eru vaksandi trupulleikar - serliga millum ung. Rúsevnasmuglarar hava sett sær fyri at selja føroyska ungdóminum sítt eitur, og fleiri ung stríðast hartil við lítið álit á seg sjálv, samfelagið og framtíðina. Hetta skal takast í álvara.

Nýggir møguleikar vísa seg við teimum trimum tunnilsmunnunum, sum knýta land og fólk fastari saman.

Og í ár hava vit sæð, hvussu samrunnin heimurin er. Eitt, sum byrjar í Kina, kann skjótt leggja Føroyar lamið. Men tó at vit í ár hava verið avbyrgd, hava vit selt til ES, Russland, Kina og USA - og vit vilja støðugt menna samhandilin um allan heim. 

Møguleikin er góður, tí vit eru ikki longur ein útjaðari á kortinum. Vit eru ein miðdepil. Kappingin millum stórveldini gevur okkum eina lyklastøðu. Men vit mugu sjálv taka stýrisvølin í hond, og gagnnýta støðuna.  Føroyar eru partur av vesturheiminum. Gjøgnum ríkisfelagsskapin eru vit partur av NATO. Hesi eru okkara fremstu sameindu, og tað mugu vit tora at taka støðu til alment. 

Góðu føroyingar, úti og heima.

Hetta hevur verið eitt serligt ár. Eitt ár fylt við stúran, ørkymlan og longsli. 

Men eisini eitt ár við hjálpsemi. Við gleði og kærleika. Og við áliti.

Vit hava endurvarnast týdningin av einum góðum klemmi. Av felagsskapi, samveru og nærveru.

Og eg hugsi í kvøld nógv um tykkum, sum í ár vórðu rakt av álvarsamari sjúku. Tykkum í vandabólkinum, sum ikki merktu fjálgu føroysku umsorganina á truplum døgum. Eg ynski tykkum bata og betri tíðir í komandi ári. 

Tað hevur somuleiðis nitið fast, at vit ikki hava kunnað sýnt tykkum umsorgan og samkenslu, sum í ár hava mist. Mugu tit fóta tykkum í sorgini og finna frið og fløva í fjálgum minnum. 

2020 gjørdist ein dýrgoldin áminning um, at dagurin í morgin er okkum ókendur. 

Vit vita, at tað sama er galdandi fyri komandi árið.

Kortini eri eg bjartskygdur. 

Nú vit fara undir ein nýggjan ársróður, eru líkindini góð. Meðan fleiri lond aftur skjóta á, kunnu vit hinvegin seta á - og við áræði leggja frá landi. 

Latið okkum taka lærdómin og virðini frá hesum árinum við okkum. 

Latið okkum framhaldandi taka av øllum, sum okkara land og fólk bjóðar.

Latið okkum minnast, at menniskjan fær ikki vart seg fyri øllum. At vit hava ábyrdina hvør fyri øðrum, sama um lagnan rakar okkum øll í senn ella einsæris. Og latið okkum varðveita ósvitaliga álitið á, at vit lofta og hjálpa hvør øðrum, tá ið á stendur - eins og vit altíð hava gjørt her á landi.

Farandi árið hevur styrkt okkum. Eg havi álit á, at vit brátt aftur fara at savnast til gaman og álvara, og at vit skjótt fáa gerandisdagin aftur. 

Tí nú lýsnar.

Gott nýggjár, góðu føroyingar.

Gud signi Føroyar.

Greinin varð fyrstu ferð løgd út 02. Jan 2021

- Eg gleði meg at síggja Føroyar aftur í summar

Nýggjarsrøðan hjá drotningini

 

SkrivaÐ:

Hennara hátign Margreta II

I aften står vi igen ved et årsskifte. Vi ser frem og vi ser tilbage.

Vi ser frem med fortrøstning og forventning, og vi ser tilbage – blev året, som vi havde håbet det?

Nej! - Året 2020 bragte os, hvad ingen havde forestillet sig.

I februar kom coronaen til Europa, og få dage inde i marts måtte også store dele af det danske samfund lukke ned. Pandemien har vendt op og ned på hele samfundet: den har ændret vores dagligdag, vi har måttet gøre meget helt anderledes: undgå kontakt, holde afstand, blive hjemme, arbejde på andre måder end vi er vant til.

Vi stod overfor en sygdom, som ingen kendte, og som vi ikke havde midler imod. Det var skræmmende, og det blev nødvendigt at gennemføre vidtgående begrænsninger i vores dagligdag. Der blev tomt på gaderne i byerne. Mange, ikke mindst ældre mennesker, måtte undvære den nære kontakt med familie og venner.

Med bekymring fulgte vi tallene på smittede, på indlagte og på de dødsfald, som snart viste sig. Det var alvor, det forstod vi.

Det sled på alle, men tvunget af de alvorlige omstændigheder vågnede nye tanker om, hvordan vi kunne leve med krisen og komme igennem den. Man mødtes ”på nettet”, man arbejdede hjemmefra, man gik ud i naturen, hvor det var muligt, og måske oplevede man foråret stærkere end nogensinde.

Da sommeren nærmede sig, lettede presset. Vi kunne stadigvæk ikke rejse ud i verden, men så blev vi hjemme. Vi gik ud i den grønne bøgeskov, vi tog til stranden – den friske, danske strand – vi genopdagede eller oplevede måske for første gang, hvor mange skønne og forskelligartede steder, der er i Danmark – sommetider ”lige om hjørnet”.

Jeg tror, at mange har fået øjnene op for vores dejlige natur og for den ro, den kan give os i en presset situation. Klimaet har fået det bedre under krisen – det er værd at lægge mærke til, og det er vigtigt, at vi fortsat passer godt på naturen.

Med efteråret kom coronaen tilbage – hurtigere end forventet og med fornyede kræfter. Nye restriktioner var nødvendige, men heldigvis ikke så vidtgående, som vi har set andre steder i Europa med udgangsforbud. Alligevel har virksomheder måttet dreje nøglen om, og mange har mistet deres arbejde. Mange har – uden egen skyld – måttet se deres livsværk falde til jorden. Det har berørt mig meget.  

Den tid vi har været igennem, har givet os alle stof til eftertanke. Hvad er det, der virkelig betyder noget for os, som samfund, som mennesker? Hvad har vi lært? Og hvad kan vi tage med os? Når man har mistet, eller måttet undvære, lærer man at sætte pris på det, man har. Vi har mærket, hvor meget kontakten til andre mennesker betyder, hvor vigtige de nære bånd er for os alle, og hvor væsentlig tilliden er – til hinanden – og til det samfund, vi alle er en del af.

Krisen har medført forandringer, både på det personlige og samfundsmæssige plan. Lad os forsikre hinanden om, at vi på den anden side af krisen vil huske, hvad vi har været igennem. Lad os tage de gode erfaringer med os, og lad os prøve at indrette vores liv efter dem.

Vi håber, at det snart vil gå den rigtige vej, men endnu er vi ikke nået dertil, og foran os ligger yderligere et par vintermåneder. Vi må fortsat leve med restriktioner, og det har ikke været morsomt netop i juletiden. Lad os dog ikke miste modet, lad os fortsat være opmærksomme og forsigtige, når vi omgås hinanden. En glæde og en opmuntring er det, at vaccinen nu er en realitet, og at vaccinationen er gået i gang.

I aften bringer jeg en særlig tak til de mange, der helt fra begyndelsen stod forrest i kampen mod coronaen. Det er de mange medarbejdere på sygehusene, der fra første færd satte alt ind på at bekæmpe sygdommen, endnu inden vi havde fuldt overblik og viden om den fare, man stod overfor. De talte ikke timerne eller dagene. De lindrede, de forskede af al magt for at forstå den ukendte sygdom. Også til de mange, som fra første færd har arbejdet med at teste os og med at bremse smittespredningen, skal der lyde en dybfølt tak.

Min tak går også til medarbejderne på vore mange plejehjem og væresteder, der værner om og opmuntrer beboerne, som må savne den nære kontakt med deres pårørende.

Også mange børn og unge har under coronaen oplevet en ensomhed, som man nok ikke havde forestillet sig.  Hverken at kunne mødes i skolen eller i fritiden har været en begrænsning, som jeg tror, ikke blev mindre med tiden, især da sommeren meldte sig, og smittepresset blev mindre. Det har sikkert været frustrerende ikke at kunne være sammen i større grupper og at se den ene festival efter den anden ikke blive til noget. Det kan jeg godt forstå, men vi er alle nødt til at holde ud.

Under coronaen er meget blevet aflyst. Bryllupper, konfirmationer og runde fødselsdage har ikke kunnet afholdes som planlagt. Min egen 80-års fødselsdag kunne heller ikke fejres, sådan som vi havde tænkt det. Men aldrig er jeg vist blevet fejret så overvældende og så varmt som i år. Den fødselsdag vil stå som den mest mindeværdige i min erindring. Det takker jeg for af hele mit hjerte.

I år skulle vi have fejret 100-året for Genforeningen med Sønderjylland. Også jeg havde set frem til jubilæumsdagene i juli, men corona-epidemien gjorde det umuligt. Nu vil vi se frem til den kommende sommer med håbet om, at vi i stedet kan mødes til den tid.

I aften går mine tanker til de danske i Sydslesvig. Også for sydslesvigerne har det været et vanskeligt år, med en delvis lukket grænse. Jeg håber, at det nye år må bringe os tilbage til den tætte kontakt, vi er vant til, og som har så stor betydning på begge sider af grænsen. Jeg sender mine varmeste nytårshilsener til alle.

Corona-epidemien har også haft indflydelse på livet i Grønland og på Færøerne. Begge samfund har gennem en stor indsats og god forståelse været i stand til at begrænse udbruddet af sygdommen, men alligevel har epidemien været et kostbart bekendtskab. Turistindustrien, som i de senere år har betydet mere og mere for begge samfund, er nærmest gået helt i stå – med store økonomiske tab til følge.

Til sommer er det mit håb igen at kunne besøge både Færøerne og Grønland.

Jeg glæder mig til gensynet med Færøerne – de dejlige øer og det stolte folk i Nordatlanten. Jeg glæder mig til at se den rivende udvikling, som samfundet har gennemgået siden mit seneste besøg i 2016.

I 2021 er det 100-året for det første kongebesøg i Grønland, da Christian X og Dronning Alexandrine med deres to voksne sønner, min far Kronprins Frederik og Prins Knud, kom sejlende til Nuuk, dengang Godthåb. Det er samtidig 300-året for Hans Egedes ankomst, et skelsættende år for både Grønland og Danmark. Jeg glæder mig til at gense Grønland og til atter at mødes med grønlænderne både i Nuuk og mange andre steder.

Måtte 2021 blive et godt år. Jeg ønsker et glædeligt nytår for alle på Færøerne og i Grønland.

Også i år har mange danske været udsendt til forskellige steder i verden, hvor det brænder på. De gør en indsats, som man lægger mærke til ude omkring. Også de har været påvirket af corona-krisen. Til dem og til deres pårørende herhjemme går min tak og mine bedste nytårsønsker.

Til alle i Forsvaret og Beredskabet går mine tanker også i aften. De har måttet leve med mange omlægninger, og har måttet påtage sig nye opgaver, men de har løst dem ansvarsbevidst og med godt humør. Det vil jeg gerne takke dem for og ønske alle et godt nytår.

Jeg sender mine nytårsønsker til Politiet med en tak for deres indsats i det forløbne år. De har haft mange udfordringer udover de sædvanlige. Det har ikke været let, men vi har alle meget at takke dem for – de er med til at sikre, at livet i Danmark kan være trygt.

Mine tanker går i aften til de danske i udlandet og til de mange med danske rødder, som føler en dyb tilknytning til Danmark. I år har de måttet føle sig mere afskåret fra det gamle land end de plejer, men de skal vide, at vi tænker på dem. Jeg sender mine varmeste nytårsønsker, hvor i verden de end måtte være.

Jeg har netop fejret jul med Prins Joachim og Prinsesse Marie og børnene. Det har været en glæde at kunne være sammen igen og at se, hvor godt Prins Joachim er kommet over sin sygdom i sommer. De mange varme hilsener og ønsker, som han har modtaget, har rørt ham og os alle dybt.

Også Kronprins Frederik og Kronprinsesse Mary har jeg set i juledagene sammen med deres børn. De har haft et travlt år, og deres mange opgaver har måttet løses på utraditionel vis. Det er en stadig glæde at se, hvor godt de gør det.

I aften tager vi afsked med et underligt år. 2020 vil vi ikke glemme. Det blev et prøvelsens år, men vi viste, at vi kan stå sammen, når det gælder, og at vi formår at finde lyse øjeblikke, trods afsavn og usikkerhed.

Nu går vi ind i 2021. Måtte det nye år blive et år, der bringer os mange glæder, og hvor vi fortsat husker på at være der for hinanden.

Sammen med hele min familie ønsker jeg af hjertet alle et godt nytår.

Gud bevare jer allesammen.

GUD BEVARE DANMARK

Greinin varð fyrstu ferð løgd út 02. Jan 2021

2020 í myndum

Vit hava funnið fram nakrar av bestu myndunum, sum hava verið á Portalinum í árinum, sum júst er farið aftur um bak

(Mynd: Jens Kr. Vang)

SkrivaÐ:

Ingi Samuelsen

Árið 2020 er farið aftur um bak. Eitt ár, ið var nógv merkt av krúnufarsóttini, sum herjaði um allan heimin. Herheima við serligum tíðindafundum, bíðirøðum at fáa tikið koronaroynd, avlýstum stevnum og tónleikatiltøkum, sjúku og sakni.

Men tað hendi eisini annað í 2020. Vit hava savnað nakrar av bestu myndunum, sum fotografar hjá Portalinum og aðrir veitarar av myndum hava tikið fyri okkum.

2020 er eisini merkt av, at til dømis fleiri nýggj skip eru komin til landið, eitt nú tvey almenn, Jákup Sverri og Erla Kongsdóttir.

Árið var eisini merkt av at fleiri stórar byggiverkætlanir vórðu tiknar í nýtslu. Eysturoyartunnilin er ein, men eisini tríggir stásiligir fólkaskúlar vórðu tiknir í nýtslu, skúlin við Streymin, skúli á Skúlatrøð og skúlin á Fløtum.

Njótið myndirnar

Januar

Kuldi - Kalt var í fleiri dagar í januar. Her ein mynd, sum Pól Sundskarð, fjallafarðarin, ið hevur glett lesararnar hjá Portalinum við hópin av myndum í ár, hevur tikið (Mynd: Pól Sundskarð)

Dragibrunnur - Eitt nýtt línuskip kom til Klaksvíkar. Klakkur er keyptur úr Noregi. Talan er um fyrsta línuskipið í Føroyum, sum hevur dragibrunn. Tað vil sigan, at línan verður drigin inn gjøgnum eitt op - "moon pool" - sum ger arbeiðið umborð nógv høgligari (Mynd: Jens Kr. Vang)

Fimleikafagnaður - Allar tær vanligu fimleikaframsýningarnar vórðu avlýstar í ár orsaka av korona. Men kortini varð eitt stórt fimleikatiltak hildið. Fimleikafagnaðurin varð hildin í Norðurlandarhúsinum. Evnið var "Kongaríkið" (Mynd: Jens Kr. Vang)

Cabaret - Áðrenn korona legði landið lamið og stongdi allar skúlar eydnaðist tað eisini at gjøgnumføra stóra musical-verkætlanina hjá Glasir. Hesaferð var tað við sangleikinum "Cabaret" í varð stórliga fagnaður (Mynd: Jens Kr. Vang)

Heiður - Fólkakæri sangarin Hanus G. Johansen, var heiðraður við Mentanarvirðisløn Landsins av Jenisi av Rana, landsstýrismanni við mentamálum. Á hátíðarhaldinum í Sjónleikarhúsinum í Havn fekk Simme Jacobsen eisini Heiðursgávu Landsins og Forlagið Leirkeri fekk serstøku virðisløn landsins (Mynd: Sverri Egholm)

Februar

Ungdómsting - Eina viku í februar varð tingið sent heim fyri at geva pláss fyri einum hópi av skúlanæmingum úr framhaldsdeildunum kring landið. Á ungdómstinginum fingu løgmaður og landsstýrisfólkini m.a. høvi at svara øðrvísi spurningum, enn tey eru von við (Mynd: Sverri Egholm)

Víkingarokkur - Størsta tónleikatiltakið, ið varð hildið - ella kundi haldast - í ár vóru konsertirnar í Norðurlandahúsinum við víkingarokkbólkinum Týr saman við Føroya Symfoniorkestri og kóri. Á myndini síggjast bassleikarin í Týr, Gunnar Thomsen, og Bernarður Wilkinson, dirigentur (Mynd: Jens Kr. Vang)

Vetrarljós - Ljósið varð fagnað í myrka februar mánaði við fleiri hugtakandi upplýsandi tiltøkum kring um í høvuðsstaðnum. Á myndini sæst umsitingarbygningurin hjá kommununi, gamli Føroya Banki við steinatún, sum var leiktjald fyri eitt serligt ljósshow (Mynd: Ólavur Frederiksen)

Mars

Skaðaódn - Áðrenn korona-ódnin rakti Føroyar av álvara í mars, vórðu vit rakt av eini aðrari og enn meira oyðileggjandi ódn. Vindurin var nógvur og uppgangurin øgiligur nógva staðni. Millum annað í Hvalba, har brimverjan við havnalagið fór illa (Mynd: Rúni Thomsen)

Landsliðslegenda - Føroyska kvinnulandsliðið í fótbólti hevur havt sterka mótstøðu í ár, og tí hava úrslitini ikki verið so góð. Kanska tí, at legendan á KÍ, Rannvá B. Andreasen, ikki er tøk hjá landsliðnum meira. Hon spældi seinasta landsdyst sín sum 39 ára gomul í mars móti Estlandi. Venjingardysturin endaði javnt, 1-1. Og hvør skoraði føroyska málið? Sjálvandi. Rannvá kom á vøllin til farvældyst sín í 56. minutti og tríggjar minuttir fyri leiklok skjeyt hon sítt 27. mál í sínum 56. dysti fyri Føroyar. Eitt flott punktum hjá einum stórum fótbóltsspælara (Mynd: Sverri Egholm)

Korona-tíðindafundur - Fyrsti tíðindafundur av nógvum korona-tíðindafundum, varð hildin í Heilsumálaráðnum 4. mars, tá staðfest var, at fyrsti føroyingurin var smittaður við krona (tá stavaðu vit tað við c). (Mynd: Sverri Egholm)

Føroyar steingja - Góða viku seinni var tann avgerandi tíðindafundurin, tá Bárður á Steig Nielsen, løgmaður, á fundi í Tinganesi 12. mars boðaði frá, at Føroyar skuldu steingja. Nú var teknmálstulkur við á myndini, eins og í øllum korona-tíðindafundum, sum síðan vórðu sendir í kringvarpinum (Mynd: Jens Kr. Vang)

Fagra blóma - Og so fóru føroyingar út í tún og hátún at syngja. Meðan flestu fólkini í landinum hildu seg heima, tók GMF-sendingin hjá kringvarpinum stig til at syngja "Fagra Blóma" í felag, rættiliga tíðliga um morgunin. (Mynd: Sverri Egholm)

Apríl

Spritta - Spritta hendur og halt frástøðu (Mynd: Ólavur Frederiksen)

Flaggdagur - So gott sum øll tiltøk vóru avlýst í apríl. Eisini flaggdagshaldini. Í Havn spældi Havnar Hornorkestur flaggsangin uttan fyri Boðanesheimið úti við Strond í Havn (Mynd: Tórshavnar kommuna)

Sól í Sandagerði - Men so kom sólin, longu í apríl. Og havnarfólk gloymdu koronatilmæli og streymaðu oman í Sandagerð at fagna sólini (Mynd: Sverri Egholm)

Mai

Drive-in - Korona-støðan førdi eisini til øðrvísi mátar at vera saman. Í Vestmanna valdu tey - í sambandi við eitt drive-in filmstiltak, eisini at varpa gudstænastuna á stórskíggjan, so fólk kundu fara til gudstænastu sitandi í bilinum (Mynd: Jens Kr. Vang)

Heimsins størsti - Heimsins størsti frystitrolari, Annelies Ilena úr Polandi kom á Fuglafjørð at leggja upp 7.000 tons av fiski til Bergfrost. Her siglir skipið fram við Leirvík (Mynd: Sverri Egholm)

Andaverja - Í mei slakaðust koronatilmælini, og fólk fingu loyvi at fara at klippa sær aftur. Men tað skuldi vera við andlitsvernd hjá bæði frisøri og kunda (Mynd: Ólavur Frederiksen)

Trøll - Og fólk leita sær eisini niðan í fjøllini í góðveðrinum. Har er mangt áhugavert at síggja. Hesum trøllunum møtti Pól Sundskarð á einum av nógvu fjallatúrum sínum. Hesaferð á veg niðan á Egilsfjall nærhendis Kvívík (Mynd: Pól Sundskarð)

Tjørnuvík Beach - Onnur leitaðu sær til Tjørnuvíkar at standa á brimfjøl ella vatnskíð (Mynd: Jens Kr. Vang)

Juni

Skúlatrøð - Í Klaksvík var fagnaður, nú stásiligi skúlin á Skúlatrøð endiliga kundi takast í nýtslu (Mynd: Jens Kr. Vang)

Summarhvirla - Pisufundur á Gøtusandi. Ein hvirla kom óvart á studentarnar (Mynd: Sverri Egholm)

Pisur - Pisufundur í Viðarlundini í Havn (Mynd: Sverri Egholm)

Brandan - Hotel Brandan á Meksikotrøðni í Havn klárt at bjóða gestum sínum vælkomnum. Hotelstjóri er Pætur Trónd Thomsen (Mynd: Jens Kr. Vang)

Juli

Ginn-joga - Ikki altíð var veðrið av tí besta, tá summartiltøk vórðu hildin. Á einum "Summar í Havn"-tiltaki í juni regnaði illa. Men tað forðaði ikki frískum føroyingum at vera við til "ginn-joga" á sandinum - eitt nýtt fyribrigdi í vælveru-Føroyum (Mynd: Ólavur Frederiksen)

Pompeo - Ein av politisku stórhendingunum í árinum, sum fór var, at amerikanski uttanríkisráðharrin, Mike Pompeo, tók sær stundir at hitta føroyska starvsbróður sín, Jenis av Rana, á vitjan síni í Keypmannahavn (Mynd: EPA)

Ólavsøka - Ólavsøkan 2020 varð merkt av koronastøðuni. (Mynd: Jens Kr. Vang)

Fjarstøða - Ólavsøkugudstænasta við tryggari frástøðu (Mynd: Jens Kr. Vang)

Midnáttarsangur - Til midnáttarsangin var tó meira so sum so við trygdarfrástøðuni (Mynd: Ólavur Frederiksen)

August

Onnur bylgja - Sum væntað, elvdi ólavsøkan til at ein nýggj koronabylgja brast á, og harvið kom eisini gongd á tíðindafundirnar í gongini í Kringvarpinum aftur (Mynd: Sverri Egholm)

Bíðirøð - Farið var undir ókeypis koronakanningar. Fyrst á Landssjúkrahúsinum, seinni oman fyri vegin, á Eirargarði. Og hetta elvdi til kilometrar langar bíðirøðir at sleppa framat (Mynd: Sverri Egholm)

Marmennilin - Nógv fólk vóru komin saman, tá standmyndin av Marmennilinum og Annfinni bónda í Elduvík við synum, varð avdúkað í Elduvík. Tað er Hans Pauli Olsen, ið hevur tilevnað hugtakandi standmyndina (Mynd: Jens Kr. Vang)

September

Tríburar - Fyri fyrstu ferð síðan 2004 vóru tríburðar føddir í Føroyum. Foreldrini eru Inga og Bogi Thomsen í Fuglafirði (Mynd: Inga Thomsen)

Eivør - "Hon er tað nærmasta einari føroyskari heimsstjørnu, sum vit nakrantíð koma at uppliva". Í september hevði Eivør Pálsdóttir úr Syðrugøtu útgávukonsert í Norðurlandahúsinum í sambandi við útgávuni av "Segl". (Mynd: Jens Kr. Vang)

Ársins mynd - Tað var dramatikkur á Tórsvølli, tá Føroyar tóku ímóti Malta í fyrsta dystinum í Natione League á hesum sinni. Og í fyrsta dystinum hjá Håkan Ericsson sum landsliðsvenjara. Brandur Hendriksson skoraði sigursmálið til 3-2 langt inni í yvirtíðini. Á myndini síggja vit málskoraran og teir báðar venjararnar, Eli Hentze og Håkan Ericsson fegnast á síðulinjuni. Vit síggja eisini vónbrotið hjá maltabúgum í bakgrundini, og við andlitsmaskunum fáa vit eisini frænir av hvat tað er fyri tíðum dysturin var spældur undir (Mynd: Jens Kr. Vang)

Oktober

Jákup Sverri - Endiliga varð nýggja havrannsóknarskipið, Jákup Sverri, liðugt og handað eigaranum, Havstovuni og landsstýrinum. Tað var kona Jacob Vestergaard, landsstýrismann, Sólfríð, sum fekk heiðurin av at doypa nýggja og framkomna havrannsóknarskipið, sum skipasmiðjan MEST hevur staðið fyri at byggja (Mynd: Jens Kr. Vang)

Skúlin við Streymin - Enn ein skúli verður vígdur. Talan er um skotiliga Skúlan við Streymin, sum Sunda kommuna hevur bygt. Umframt allar hentleikar til undirvísing, er eisini ein ítróttahøll við í byggjarínum (Mynd: Ólavur Frederiksen)

Jens-Kjeld - Í oktober avdúkaði Norðurlandaráðið, at sjálvlærdi náttúruvísundamaðurin í Nólsoy, Jens-Kjeld Jensen varð heiðraður við Umhvørvisvirðisløn Norðurlandaráðsins. Orsaka av koronastøðuni varð hátíðarhaldið í Perluni í Reykjavík avlýst, so Jens-Kjeld varð heiðraður í Norðurlandahúsinum ístaðin (Mynd: Jens Kr. Vang)

Hilton - Í oktober kundi Martin Restorff, hotellstjóri endiliga lata dyrnar upp fyri nýbygda og snotiliga Hotel Hilton Garden Inn á Hálsi í Havn (Mynd: Jens Kr. Vang)

November

Hetja - Í november fekk Debes Hammersheimb Christiansen, deildarleiðari á Heilsufrøðiligu Starvsstovuni og granskari, ársins miðlaheiðursløn frá Granskingarráðnum fyri sítt slóðbrótandi arbeiði at finna ein hátt at testa føroyingar fyri korona. Undan ársskiftinum varð Debes eisini heiðraður av tíðindablaðnum Sosialinum sum Ársins Føroyingur (Mynd: Jens Kr. Vang)

Skúlin á Fløtum - Triðja skúlavígslan í ár var í Havn, har stásiligi glasklæddi Skúlin á Fløtum varð tikin í nýtslu skamt frá Glasir. Tað mest sermerkta við nýggja bygninginum er helst, at næmingarnir sleppa at uppihalda sær uppi á takinum. Tað skuldi sjálvandi roynast á fyrsta degi (Mynd: Sverri Egholm)

Sigursharrar - Kommunuval var í november. Mest sigandi myndin frá kommunuvalinum er hendan. Tað sæst týðuliga, at teir hava vunnið. Á myndini síggjast Heðin Mortensen og Kári Johansen, sum báðir vórðu valdir á javnaðarlistanum. Heðin Mortensen var fyrstvaldur við 2.284 persónligum atkvøðum, og er eisini júst setstur í borgarstjórasessin aftur (Mynd: Sverri Egholm)

Kambur - "Nadoy, biðja meg koma við Kambi, eg havi ikki eitt hár á høvdinum", var tað einaferð ein maður, ið segði. Tá nýggja línuskipið Kambur, ið er keypt úr Noregi, kom á Strendur, var tað Sámal Ravnsfjall, ið sang fyri (Mynd: Kiran Jóhanesarson)

Desember

Erla Kongsdóttir - Tað var dóttir landsstýrismannin við fíggjarmálum, Ásvør Vest Niclasen, ið fekk heiðurin av bresta sjampanjufløskuna móti bógnum, tá nýggjasta strandfaraskipið, Erla Kongsdóttir, varð navngivið og sett í sigling tíðliga í november (Mynd: Sverri Egholm)

Rútarnir brotnaðu - Onkur meinti í skemti, at gumman kanska hevði verið ov harðlig, men tað var ikki orsøkin til, at Erla Kongsdóttir mátti takast úr sigling aftur eftir bert fáar dagar í nólsoyarsigling. Tveir rútar inn til salongina fóru í knús á einum túri aftur til Havnar. Ristingarnar í skipinum vórðu sagdar at vera orsøkin (Mynd: Sverri Egholm)

Listaverk - Tróndur Patursson var mánaðins maður í desember fyri hugtakandi listaverkið rundan um rundkoyringarsúluna í Eysturoyartunnlinum (Mynd: Jens Kr. Vang)

Tunnilin opin - 19. desember gjørdist ein stórur dagur í føroyskari samferðslusøgu. Tá slapp Jørgen Niclasen, landsstýrismaður við samferðslumálum, at skera heilar tríggjar snórar yvir, tá Eysturoyartunnilin varð latin upp. Hátíðarhaldið fór fram við rundkoyringina undir Saltnesgrynnuni, og sjórar vóru spendir yvir allar trígjar frákoyringarnar. Ein, ið førir upp á Strendur, ein, ið førir upp á Saltnes og ein, ið førir yvir á Hvítanes (Mynd: Jens Kr. Vang)

Koppsett - Á ársins næstseinasta degi varð farið undir at koppseta føroyingar móti korona. Nógv fólk vóru til staðar í veitsluhøllini á Landssjúkrahúsinum, tá Tummas í Garði, yvirlækni, stakk fyrsta prikið við vaksinuni, sum var komin úr Danmark við flogfari kvøldið fyri. Tað var Gunnrið Joensen, sjúkrarøktarfrøðingur á koronadeildini á Landssjúkrahúsinum, ið varð stungin sum tann fyrsta (Mynd: Sverri Egholm)

Greinin varð fyrstu ferð løgd út 02. Jan 2021