Spennandi altjóða kokkakapping í sambandi við Sjómannadagarnar

NORA hevur tikið stig til kappingina millum ungar kokkar úr Føroyum, Grønlandi, Íslandi og Noregi. Føroyski parturin verður hildin í samstarvi við Tekniska skúla í Klaksvík

Halla Nolsøe Poulsen, stjóri í NORA, Andras Sigmarsson Jacobsen, leiðari á matvørudeildini á Tekniska skúla, og Jákup Sørensen, verkætlanarleiðari hjá NORA (Mynd: Jens Kr. Vang)

SkrivaÐ:

Ingi Samuelsen

Sjómannadagarnir í Klaksvík fáa eitt spennandi innslag afturat í ár, tá ein altjóða kapping fyri gávuríkar ungar kokkar verður hildin í sambandi við stóru fólksligu hátíðina í Klaksvík.

Tað er NORA, Norrønt Atlantssamstarv, sum er stigtakari til kappingina, kallað Arctic Young Chef 2024, stytt AYC. Hugskotið er at finna fram til besta unga kokkin í hvørjum av teimum fýra londunum, har NORA virkar, tað eru Grønland, Ísland, stranda-Noreg og Føroyar.

Bestu kokkarnir frá hvørjum landi skulu so hittast í eini finalu, sum verður hildin í Bodø í Noregi í heyst. Finalan í AYC verður partur av umfatandi skránni, sum er løgd í sambandi við at Bodø er evropeiskur mentanarbýur í ár.

Andrés vann í Íslandi

Fyrsta kappingin hevur longu verið. Tað var farna vikuskiftið, tá átta íslendskir kokkar undir 30 ár hittust í íslendsku finaluni, ið varð hildin í Menningarskólanum í Kópavogi. Avbjóðingin hjá kokkunum var at gera ein forrætt, har høvuðsvøran var lambssíða, og ein høvuðsrætt burtur úr saltfiski.

Andrés Björgvinsson

Vinnari av teirri kappingini gjørdist 20 ára gamli Andrés Björgvinsson úr Mosfellbær, sum arbeiðir á Lux Veitingum. Hann er sostatt tann fyrsti, sum hevur vunnið sær sæti til finaluna í Bodø í heyst.

Høvuðsdómari í Íslandi var føroyski kokkurin, Teitur Christensen, sum var við til at seta gongd á Fútastovu hjá Gist & Vist, og sum nú er kokkur á Bitanum.

Vekja áhuga fyri rávørum, ið ikki verða gagnnýttar

Mikudagin var tíðindafundur hildin á Tekniska skúla í Klaksvík, har umboð fyri NORA og Andras Sigmarsson Jacobsen, leiðari fyri kokkaútbúgvingini á skúlanum, greiddu frá hugskotinum, og kappingini, sum verður í Klaksvík 17. august tá Sjómannadagar eisini eru.

Jákup Sørensen, verkætlanarleiðari hjá NORA greiddi frá, at tey í eina tíð hava arbeitt við hugskotinum, sum í sínum grundtanka snýr seg um at vekja áhuga fyri rávørum, sum ikki vera gagnnýttar í so stóran mun, sum tær kanska áttu.

- Tað snýr seg um at seta fokus á vørur, stuttfluttar – altso lokalar, sum ikki verða gagnnýttar í nóg stóran mun, og so menna uppskriftir, sum kunnu brúkast heima í køkinum hjá vanligu familjunum og eisini á kantinum, sigur Jákup Sørensen.

Endamálið við sjálvari kappingini er sjálvandi at skapa eina spennandi kapping millum ungar kokkar. Sæð í ljósinum av, hvussu nógvar kokkar vit eiga heima í Føroyum, so er tað undarligt, at tað ongantíð hevur verið hildin ein kapping í kokkakynstri í Føroyum.

Jákup Sørensen (Mynd: Jens Kr. Vang)

Haute cuisine

Men sjálv kappingin verður í fínum kokkakynstri, ‘haute cuisine’. Treytin fyri at luttaka er, at kokkarnir eru 30 ár ella yngri. Tað er líka mikið um teir eru lærlingar ella útlærdir. Áhugaðu luttakararnir skulu senda inn eina umsókn, har tey grundgeva fyri teirra hugsan um norðurlendska/føroyska matmentan og hvørjar tankar tey hava um kokkafakið yvirhøvur.

Tað er soleiðis, at kokkarnir í góðari tíð áðrenn kappingina fáa at vita hvørjar høvuðsrávørurnar eru, sum tey skulu gera rættirnar burturúr.

- Okkara ætlan er at brúka rávørur, sum hoyra árstíðini til, og tá kappingin nú verður hildin í sambandi við Sjómannadagarnar, so kann roknast við, at í hvussu so er annar av rættinum verður við onkrum, ið fæst burtur úr havinum, sigur Andras Sigmarsson Jacobsen, leiðarin á matvørudeildini á Tekniska skúla í Klaksvík.

Sjálvur sigur Andras, at tey vóru við upp á hugskoti í somu løtu, sum tey hoyrdu um tankarnar kring Arctic Young Chef.

- Satt at siga hevði eg umhugsa eina kapping av onkrum slag í sambandi við, at eg varð settur í starv her fyri trimum árum síðani, sigur Andras Sigmarsson Jacobsen.

Andras S. Jacobsen (Mynd: Jens Kr. Vang)

Kokkaútbúgvingin dagførd

Hann hevur hesi seinastu árini arbeitt við at broyta lesiætlanirna fyri matvøruútbúgvingarnar.

- Vit kunnu nú bjóða eina útbúgving, sum er á sama støði, sum í Danmark, og tað merkir, at fólk í kokkalæru ikki longur nýtast at fara av landinum fyri at fáa sína skúlagongd. Vit rokna við, at tær fyrstu sveinaroyndirnar við kokkum eftir nýggju skipanini kunnu haldast móti sumri næsta ár.

- Tí hóskar henda kappingin væl inn í tað virksemi, sum vit fáat við her á matvørudeildini á tekniska skúla. Hugsan mín er at tað kanska eisini verður hildin ein kapping fyri allar kokkar – altso ikki bara ungar – eina ferð í framtíðini eisini.

Hvussu sjálv kappingin í Klaksvík verður gjøgnumførd er ikki heilt avgjørt enn. Eftir sum kappingin verður hildin í sambandi við stóra fólksliga tiltakið Sjómannadagarnar, so eru taknarnir í løtuni at halda kappingina á bryggjuøkinum, har flest allir av hinum aktivitetunum eru.

- Tað ber væl til at innrætta eitt tjald við køksútgerð, og so hevði verið stuttligt um tey nógvu fólkini, sum vitja á sjómannadøgunum kundu fingið møguleika at fylgja við, hvussu kappingin gongur. 

Greinin varð fyrstu ferð løgd út 20. mars 2024

Bøndur og óðalsfólk hertóku Vaglið

Fitt av fólki var møtt upp á Vaglinum týsdagin, tá einir 40 traktorar hertóku økið. Bøndurnir vístu sína ónøgd við lógaruppskotið um burðardygga ferðavinnu

(Mynd: Sverri Egholm)

SkrivaÐ:

Sverri Egholm

Bøndur skipaðu í vikuni fyri mótmælistiltaki uttan fyri løgtingið. Ikki bara eitt vanligt mótmælistiltak, men við sær høvdu teir einar 40 traktorar sum vórðu parkeraðir á Vaglinum.

Tað er orsakað av ónøgd um uppskotið hjá Høgna Hoydal, landsstýrismanni, um gongd í haga, at bøndur og óðalsfólk mótmæla.

Fyrsta viðgerð av uppskotinum um burðardygga ferðavinnu varð í tinginum týsdagin. Málið er nú farið í vinnunevndina til víðari viðgerð.

Sverri Egholm tók myndirnar. Fleiri eru at síggja her

Greinin varð fyrstu ferð løgd út 19. mars 2024

Formansskapurin í Føroya Banka vrakaður

Birgir Durhuus er nýggjur formaður í Føroya Banka. Birita Sandberg Samuelsen og Rúni Vang Poulsen vóru vrakaði til aðalfundin

(Mynd: Føroya Banki)

SkrivaÐ:

Sverri Egholm

Forkvinnan og næstformaðurin í Føroya Banka, Birita Sandberg Samuelsen og Rúni Vang Poulsen, vórðu ikki afturvald tá aðalfundur var seinnapartin. Hinvegin eru tveir nýggir nevndarlimir, Árni Rasmussen og Anfinn Vitalis Hansen.

Tað var Gullak Madsen, sum hevur keypt 25 prosent av Føroya Banka, sum skeyt upp at velja Árna Rassmusen og Anfinn Vitalis Hansen.

Gullak Madsen (Savnsmynd: Jens Kr. Vang)

Nýggja nevndin hevur eisini skipað seg, og nýggjur formaður í Føroya Banka-nevndini er Birgir Durhuus. Hann hevur sitið í nevndini seinastu tvey árini.

Hini í nevndini eru Marjun Eystberg, Kristian Reinert Davidsen, Birgir Durhuus og Tom Ahrenst. Tey vóru afturvald.

Birgir Durhuus, nýggjur nevndarformaður í Pf. Føroya Banka

Greinin varð fyrstu ferð løgd út 21. mars 2024

Betri Trygging hevði 358 milliónir í skaðaútgjøldum í fjør

Bert einaferð áður hava verið fleiri skaðar verið enn í fjør - serliga var hetta vegna ódnina í februar, kunnar Betri Trygging um. Ársúrslitið var tó gott: 84 milliónir krónur í yvirskoti

 

SkrivaÐ:

Agnar Prestá

Betri Trygging hevur nú gjørt 2023 upp, og bara einaferð áður hava fleiri skaðar verið skrásettar enn í fjør. Serliga var tað ódnin í februar, sum elvdi til nógvar skaðar.

- Betri Trygging endurrindaði í fjør omanfyri 13.000 skaðar. Tað er næststørsta skaðatalið nakrantíð hjá Betri Trygging. Bara ódnin í februar elvdi einsamøll til yvir 1.300 skaðar, sigur Ingunn Eiriksdóttir.

Kundarnir fingu tilsamans 358 milliónir í endurgjaldi er samanlagda úrslitið hjá felagnum gott: 84 milliónir krónur í yvirskoti. Serliga íløgurnar góvu gott avkast. gott úrslit, serliga tí íløgurnar aftur geva gott avkast. Hartil vóru fleiri og betri tryggingar og tænastur - og eitt stórt stig inn í talgilda heimin við appini Mín Trygging. So stutt kunnu vit taka saman um 2023.

- Íløgumarknaðurin, sum seinastu árini hevur verið svikaligur, gav í fjør aftur gott avkast. Meginparturin av yvirskotinum, sum gjørdist 84 milliónir krónur, stavar frá íløgunum (...) - Vit fegnast um góða úrslitið. Vit vita jú, at viðurskiftini broytast skjótt í hesi vinnuni, og bara higartil í ár hava vit havt heilar tríggjar heilt stórar skaðahendingar. Tí ræður um, at vit altíð hava nakað at standa ímóti við, sigur Ingunn Eiriksdóttir.

Talið á kundum veksur eisini støðugt, og fólk tryggja seg sum heild betur við fleiri
tryggingum og fleiri tilvalum enn fyrr.

Arbeiðsskaðatryggingin eigur at fylgja kostnaðarstøðinum í landinum

Í fjør komu eisini tvær nýggjar vinnutryggingar. Onnur er "Rakstartap av sjúku" og skaða – og hin er "Trygging fyri álop á netinum".

- So seint sum í vikuni vóru fleiri føroyskar fyritøkur fyri netálopi, og áhugin fyri hesi tryggingini hevur eisini verið sera stórur, sigur Ingunn Eiriksdóttir.

Tryggingarnar til bát og djór vórðu dagførdar og fingu betri dekningar - og
arbeiðsskaðatryggingin bleiv við lóg broytt, soleiðis at hon frameftir skal prístalsjavnast.

- Vit eru púra samd í, at arbeiðsskaðatryggingin eigur at fylgja kostnaðarstøðinum í landinum, soleiðis at tey, sum gerast langtíðarsjúkameldað, fáa eitt hóskandi útgjald. Men lógarbroytingin hevur gjørt tað neyðugt at hækka avsetingina til arbeiðsskaða munandi, nú vit skulu seta væl størri upphædd av til tey, sum eru í skipanini, sigur Ingunn Eiriksdóttir.

Betri Trygging gjørdist í fjør eisini limur í Sólblómuskipanini, so kundar við ósjónligum breki frameftir fáa betri tænastu – og so vóru fleiri kunningartiltøk, eitt nú um eftirskúla, tryggleika hjá smábørnum, netálop og skaðafyribyrging innan vinnuna.

- Í fjør bleiv eisini gjørligt at rinda tryggingarnar mánaðarliga – og so sló talgilda tænastan, Mín Trygging, øll met. Kundarnir hava av álvara tikið appina til sín, sigur Ingunn Eiriksdóttir. 

Til ber at síggja rokniskapin her 

Greinin varð fyrstu ferð løgd út 19. mars 2024

Ætli at vera við til at menna Føroya Tele víðari

Mánadagin var móttøka á Føroya Tele í sambandi við at Kristian Reinert Davidsen hevur tikið við sum stjóri í fyritøkuni

Kristian Reinert Davidsen aftur í stjórasessinum í Føroya Tele (Myndir Jan Müller)

SkrivaÐ:

Jan Müller

Nógv fólk høvdu leitað sær niðan á Føroya Tele mánadagin, tá móttøka var fyri nýggja stjóranum, Kristian Reinert Davidsen, sum tekur við stjórastarvinum eftir fyrst táverandi stjóran Jan Ziskasen og nú í seinastuni eftir fíggjarstjóran, sum hevur røkt stjórastarvið, nú áðrenn Kristian Davisen tók við eftir áralangt arbeiði í Grønlandi.

Kristian hevur røkt stjórastarvið í Føroya Tele áður, tá hann var í sessinum í átta ár.  Kristian Reinert Davidsen hevur í nærum  níggju ár verið  stjóri í grønlendska tele- og flutningsfelagnum Tusass. 

Í sambandi við móttøkuna takkaði Kristian Davidsen fyri at hava fingið litið sessin í hendi fyri aðru ferð og segði hann seg ætla at vera við til at menna Føroya Tele víðari saman við mongu starvsfólkunum í fyritøkuni. 

Undir móttøkuni hildu Bjarni Kárason Petersen, landsstýrismaður, Bjarna Arnason, nevndarformaður og William Joensen, fíggjarstjóri røður. Somuleiðis  takkaði nýggi stjórin fyri uppgávuna at standa á odda fyri FT samtakinum.

Greinin varð fyrstu ferð løgd út 18. mars 2024

Føroya Tele-stjórin fær tvær milliónir krónur um árið

Kristian R. Davidsen avdúkaði sína stjóraløn tá hann var vikugestur í útvarpinum

(Mynd: Føroya Tele)

SkrivaÐ:

Sverri Egholm

- Árliga lønin hjá mær í dag liggur um tvær milliónir krónur.

Tað segði Kristian R. Davidsen, nýggjur stjóri í Føroya Tele, í sendingini Vikan í útvarpinum leygardagin, har hann var vikugestur.

Hann fór til Grønlands fyri átta árum síðani, og tók við stjórastarvinum í Telepost, sum síðan hevur broytt navn til Tusass.

Kristian R. Davidsen var áðrenn hetta stjóri í Føroya Tele, og talan er tí um eina afturkomu - heimkomu.

- Tað eru krøv til eitt ávíst gjøgnumskygni tá tað kemur til lønir hjá stjórum og nevndarlimum í feløgum sum Tusass og Føroya Tele, og mín meining er, at tað gjøgnumskygnið skal vera har, sigur Kristian R. Davidsen.

Hann sigur, at lønin, sum liggur um tvær milliónir krónur árliga, kann broytast alt eftir hvussu væl tað gongur at røkka málunum, sum eru sett. Altso ein ávís bonusskipan.

Farin niður í løn
Um hugt verður eftir ársroknskapinum hjá Tusass í 2022 sæst greitt, hvussu nógv Krisitan R. Davidsen fekk í samsýning sum stjóri. Og lønin í Føroyum er nakað lægri enn í Grønlandi.

Árslønin var tilsamans 3,9 milliónir krónur, men tá er tað eisini íroknað pensjón, bonus og annað.

Samrøðan við Kristian R. Davidsen kann hoyrast her

Greinin varð fyrstu ferð løgd út 17. mars 2024

Verður sendimaður í Washington

Uttanríkisráðið flytir runt upp á sendifólkini til fýra sendistovur – Bjørn Kunoy fer til Washington, har føroysk sendistova letur upp í heyst

Bjørn Kunoy

SkrivaÐ:

Ingi Samuelsen

Farna heyst boðaði Uttanríkisráðið frá, at føroysk sendistova verður latin upp í amerikanska høvuðsstaðnum Washington D.C. á heysti 2024.

Les eisini: Sendistova í Washington letur upp á heysti 2024

Nú er tað greitt, at tað verður Bjørn Kunoy, sum verður fyrsti føroyski sendiharrin til USA. Hetta framgongur í eini fráboðan, sum Uttanríkisráðið sendi út í vikuni.

Bjørn Kunoy var eisini fyrstvaldur, tá sendistovan í russiska høvuðsstaðnum skuldi mannast. Hann var sendimaður í Moskva árini 2015 til 2018.

Skift verður eisini í trimum av verandi sendistovunum.

Gunnar Holm-Jacobsen, ið hevur verið stjóri í Uttanríkistænastuni síðani 2013, er tilnevndur sum nýggjur sendimaður í Keypmannahavn. Árini 2008 til 2012 var hann sendimaður í Brússel. Gunnar Holm-Jacobsen avloysir Jóannes V. Hansen, ið hevur verið sendimaður í Keypmannahavn síðani 2019.

Áki Johansen er tilnevndur sum nýggjur sendimaður í kinesiska høvuðsstaðnum, Beijing. Áki hevur síðani 2021 verið sendimaður í Tel Aviv í Ísrael. Frammanundan hevur hann verið sendimaður í London í tveimum umførum - frá 2008 til 2011, og aftur frá 2015 til 2020. Áki Johansen avloysir Sigmund Ísfeld, ið hevur verið sendimaður í Beijing síðani 2019.

Petur Petersen er tilnevndur sum nýggjur sendimaður í Tel Aviv. Hann hevur verið fyrisitingarleiðari í Uttanríkistænastuni síðani 2020. Frá 2015 til 2020 var hann sendimaður í Reykjavík.

Tey fýra komandi sendifólkini taka við tann 1. september í ár, og koma Sigmundur Ísfeld og Jóannes V. Hansen tá heimaftur í Uttanríkistænastuna at starvast.

Av teimum seks sendifólkunum, ið eru úti í løtuni, eru tríggjar kvinnur og tríggir menn.

Hinar sendistovurnar, tær, sum nú ikki eru ávirkaðar av hesum rokeringunum, eru soleiðis mannaðar:

Evropa Samveldið í Brússel: Elisabeth F. Rasmussen
Moskva: Hákun J. Djurhuus
London: Kate Sanderson
Reykjavík: Hanna í Horni 

Greinin varð fyrstu ferð løgd út 19. mars 2024

Smyril Line setti met í fjør: 122 milliónir í avlopi

Tíggju milliónir verða rindaðar í vinningsbýti. Í samtakinum arbeiða 595 fólk

(Savnsmynd: Sverri Egholm)

SkrivaÐ:

Sverri Egholm

Smyril Line hevði ársaðalfund í vikuni, og á fundinum varð ársfrágreiðingin fyri 2023 løgd fram. Rakstrarúrslitið fyri 2023 var 267 milliónir krónur, samanborið við 201 milliónir í 2022. Avlopið var 122 milliónir krónur eftir skatt, samanborið við 77 milliónir krónur í 2022. Hetta er sostatt metár fyri felagið higartil, verður sagt í tíðindaskrivi.

Smyril Line rindar 10. mió. vinningsbýti fyri 2023.

Starvsfólkatalið hjá Smyril Line samtakinum var 595 starvsfólk í 2023. Hetta var áleið tað sama sum árið fyri. Farmavirksemið eydnaðist sum heild væl, og á ferðafólkasíðuni var ein rímiligur vøkstur í eftirspurninginum eftir Íslandi, ímeðan eftirspurningurin eftir Føroyum minkaði eitt vet í 2023 samanborið við 2022.  

(Savnsmynd: Sverri Egholm)

Størsta íløgan hjá Smyril Line í 2023 var farmaskipið Glyvursnes, ið kom í felagið í desembur. Glyvursnes siglir rutuna millum Tórshavn, Þórlakshöfn og Hirtshals. Við keypinum av Glyvursnesi kann Smyril Line røkja alt rutunetið við egnum flota. 

Útlitini fyri 2024 eru rímiliga góð. Vit vænta eina javna menning bæði innan ferða- og farmavirksemið, sigur Smyril Line. Hetta er ein meting grundað á verandi gongd og útlit, men viðurskifti, so sum hækkandi prísir á brennievni, avgjøld, rentuhækking, inflasjón og politiska støðan, kunnu broyta fortreytirnar. 

- Tað er av stórum týdningi, at Smyril Line alsamt endurnýggjar og framtíðartryggjar flotan. Vit fegnast um, at vit í januar í ár gjørdu sáttmála um at byggja tvey nýggj farmaskip, ið koma í flotan í 2026. Sostatt er endurnýggjanin av flotanum byrjað. Hetta merkir, at vit eisini í framtíðini kunnu veita kundum okkara eina góða tænastu, og at vit leiða felagið fram ímóti eini grønari orkuloysn, skrivar felagið í tðindaskrivi.

Í nevndini í Smyril Line eru Tummas Justinussen, Arne Joensen, Helga á Borg og Jens Meinhard Rasmussen.

Greinin varð fyrstu ferð løgd út 21. mars 2024

Tunnilsportalurin Øravíkarmegin liðugur

257 metrar eru eftir at spreingja í Fámjinstunlinum

(Mynd: J&K Petersen)

SkrivaÐ:

Sverri Egholm

Fyrri portalurin í Fámjinstunlinum, tann sum er Øravíkarmegin, er liðugur.

Veggir og fundament eru stoypt á staðnum, meðan hválvini eru gjørd úr elementum. Eisini líður væl við vegarbeiðinum til sjálvan tunnilsmunnan, sigur byggifyritøkan J&K Petersen.

Farna vikuskiftið vóru 257 metrar eftir at spreingja, áðrenn ljós sæst í tunlinum Fámjinsmegin.

Greinin varð fyrstu ferð løgd út 17. mars 2024

Altjóða handil og marknaðarførsla í Føroyum 

Slóbrótandi menning á Glasi, nú Hærgi Nám fer at bjóða proffessiónsbachelor útbúgving innan altjóða handil og marknaðarførslu

Ole Gram-Olesen, rektari á cphbusiness, og Una Joensen, rektari á Glasi (Mynd: Glasir)

SkrivaÐ:

Tíðindaskriv

Komandi skúlaár verður slóðbrótandi fyri Hægri Nám á Glasi, tí tá fer skúlin at bjóða út professiónsbachelor útbúgving innan altjóða handil og marknaðarførslu.

Kanningar vísa, at tørvur er á at fáa miðallangar útbúgvingar settar á stovn í Føroyum, so tað ikki er neyðugt at fara av landinum at taka hesar.

Hægri Nám á Glasi hevur javnan bjóðað út marknaðarførslubúskap, sum er tvey-ára útbúgving, og nýggja professiónsbachelor útbúgvingin er beinleiðis framhald av hesi útbúgving. Umleið 70 fólk hava tikið marknaðarførslubúskap í Føroyum.

Nøkur teirra hava tikið framhald í Danmark, meðan onnur hava bíðað eftir, at professiónsbachelor útbúgvingin verður tøk í Føroyum, og tað gerst nú veruleiki.

Tað verður eisini gjørligt hjá teimum, sum lesa ella hava lisið tænastubúskap og fíggjarbúskap, at koma beinleiðis inn á nýggju professiónsbachelor útbúgvingina sum framhald. Eisini aðrar styttri ella miðal langar útbúgvingar geva atgongd eftir serligum treytum.

- Vit eru sera fegin um at bjóða hesa útbúgving út komandi ár. Tað er tørvur á at økja um útbúgvingarmøguleikarnar í Føroyum, so okkara ungdómur hevur eitt breitt úrval av útbúgvingum at velja í, sigur Una Joensen, rektari á Glasi.

Nýggja útbúgvingin verður boðin út sum partur av viðkaðum samstarvi við danska útbúgvingarstovnin, Cphbusiness, sum Hægri Nám á Glasi longu nú samstarvar við um marknaðarførslubúskap, fíggjarbúskap, tænastubúskap og PBA í innovatión og íverksetan.

Ole Gram-Olesen, rektari fyri Cphbusiness, og Una Joensen, rektari á Glasi, skrivaðu í februar mánaði undir víðkaða samstarvsavtalu, sum ger tað gjørligt at taka professiónsbachelor í Føroyum nú. 

Greinin varð fyrstu ferð løgd út 21. mars 2024

Landið væntar eitt lítið avlop í 2025

Arbeiðið er í gongd at tryggja betri javnvág millum útreiðslur og inntøkur komandi árini. Fíggjarmálaráðið roknar við avlopum á fíggjarlógini frá 2026 og frameftir

 

SkrivaÐ:

Sverri Egholm

Framskrivaða úrslitið á fíggjarlógini komandi ár verður 9,2 milliónir krónur í avlopi. Játtanarkarmarnir eru grundaðir á ein útreiðslukarm, sum verður 7.537,4 milliónir krónur næsta ár. Av hesum er raksturin 6.937,4 milliónir og løgurnar 600 milliónir krónur. Framskrivaðu inntøkurnar verða 7.546,6 milliónir krónur.

Tíðirnar eru góðar við lágum arbeiðsloysi, og tí eigur javnvágin millum inntøkur og útreiðslur at betrast, sigur landsstýriskvinnan. Ætlanin er tí at gera átøk í 2025, sum kunnu betra um úrslitið við 35 milliónum krónum. Haraftrat verður arbeitt við at tryggja fíggjarliga haldførið.

Ætlanin er eisini at broyta uppgerðina av inntøkunum frá avgjøldum á tilfeingisvinnurnar soleiðis, at frá 2025 fer ein størri partur beinleiðis í Búskapargrunnin. Tað hevur við sær minni inntøkur á 56,8 milliónir krónur í fíggjarlógini komandi ár.

Framskrivaða úrslitið eftir átøk á fíggjarlógini komandi ár verður 12,6 milliónir krónur í halli. Tað vísir uppskotið til samtyktar um játtanarkarmar fyri 2025, sum landsstýriskvinnan í fíggjarmálum, Ruth Vang, llegði fyri Løgtingið í gjár.

Almanna- og heilsuøkini dýrari
Tað eru serliga útreiðslurnar innan almanna- og heilsuøkini, sum vaksa komandi árini. Tað kemur av broyttu aldurssamansetingini og fólkavøkstri.

Væntast kunnu øktar útreiðslur til m.a. heilsutrygdarveitingar, Landssjúkrahúsið, serviðgerðir uttanlands, arbeiðsfremjandi tiltøk og fólkapensjón.

Íløgurnar verða mettar til 600 milliónir krónur komandi ár. Nógv av hesum eru íløgur til arbeiði, ið longu eru í gongd, t.d. Fróðskaparsetrið, tunnilin til Dals, miðnám á Kambsdali og KT-verkætlanir.

Átøk neyðug
Virkað verður á fleiri mótum fyri at tryggja ein meira haldføran búskap komandi árini. Átøk verða framd at tálma útreiðslur og økja inntøkur hjá landskassanum. Arbeiðið at gera eitt fíggjarpolitiskt regluverk er í gongd. Neyðugt verður við nýskipanum, sum skulu tryggja haldførið og vælferðina frameftir. Eitt nú er neyðugt at endurskoða pensjónsaldurin, sum Búskaparráðið hevur mælt til.

Uppskotið til samtyktar um játtanarkarmar á løgtingsfíggjarlógini fyri 2025 vísir samanumtikið, at fíggjarpolitiska avbjóðingin, sum stendur fyri framman, er somikið stór og víðfevnd, at øll politiska skipanin eigur at standa saman um tey stig, sum eru neyðug fyri at tryggja javnvágina millum útreiðslur og inntøkur frameftir, heldur Ruth Vang, landsstýriskvinna.

Frágreiðing um játtanarkarmarnir 2025 kann lesast her

Greinin varð fyrstu ferð løgd út 22. mars 2024

Føroyingar roykja nógv meira enn aðrir norðurlendingar

Nýggj kanning vísir, at 18 prosent av føroyingum roykja dagliga, og tað er ein nógv størri prosentpartur enn í hinum Norðurlondunum

 

SkrivaÐ:

Innsent

Gongdin í grannalondunum hevur leingi verið, at alt færri fólk roykja, men hjá okkum stendur at kalla í stað.

Hetta vísa nýggj tøl hjá Fólkaheilsustýrinum úr stóru fólkaheilsukanningini ”Hvussu hevur tú tað?” frá í heyst. Omanfyri 5.000 føroyingar millum 18 og 85 ár luttóku í kanningini. Somu kanningar frá 2015 og 2019 vístu, at ávikavist 19 og 17 prosent av føroyingum royktu hvønn dag, so støðan er so at siga óbroytt.

Á øðrum plássi fyri dagligar roykjarar í Norðurlondum liggur Danmark við 12 prosentum, sum er heili seks prosentstig lægri enn í Føroyum. Í hinum endanum liggja Svøríki og Ísland, har 6 prosent av fólkinum siga seg roykja dagliga.

Bjarni á Steig, stjóri í Fólkaheilsustýrinum (Savnsmynd: Sverri Egholm)

Ørkymlandi tøl

- Støðan er ørkymlandi, tí vit vita, hvussu vandamikil royking er fyri heilsuna, sigur Bjarni á Steig, stjóri í Fólkaheilsustýrinum.

- Vit eiga tí at taka hesi tølini í størsta álvara og arbeiða miðvíst við átøkum, sum kunnu minka um roykingina millum føroyingar, leggur hann afturat.

Sambært kanningini eru fleiri kvinnur enn menn, sum roykja dagliga – ávikavist 19 og 17 prosent. Flestu dagligu roykjararnir hjá kvinnunum eru í aldrinum 35 til 54 ár, har umleið fjórða hvør kvinna roykir.

Hjá monnunum liggur tað meira javnt, og um fimti hvør maður millum 25 og 64 ár roykir hvønn dag.

Í yngstu aldursbólkunum tykist gongdin vera ein onnur, og hjá teimum 18 til 24 ára gomlu eru tølini týðiliga fallandi. Verður samanborið við 2015 er talið á dagligum roykjarum hjá monnum minkað niður í eina helvt (10 prosent) og hjá kvinnunum niður í ein triðing (7 prosent). Umráðandi er tó at leggja afturat, at tølini fyri aðrar nikotinvørur hjá hesum aldursbólkinum samstundis vaksa greitt sambært somu kanning. Hesi tølini verða klár at leggja fram seinni í vár.

Hugburður til royking

Tað góða er, at oman fyri 80 prosent av teimum, ið roykja hvønn dag, siga, at tey fegin vilja leggja av. Kanningin spyr eisini um hugburð til ymisk fyribyrgingarátøk í sambandi við royking og sølu av tubbaki, og umleið triði hvør heldur, at tað hevði verið eitt gott hugskot, um sølan av tubbaki varð avmarkað til at fara fram á útvaldum støðum so sum einum tubbakshandli e.l.

Fleiri hagtøl og meira kunning um kanningarúrslitini um royking eru at finna á https://folkaheilsustyrid.fo/kunning/77

Tíðindaskriv frá Fólkaheilsustýrinum

Greinin varð fyrstu ferð løgd út 21. mars 2024

Breið semja um príseftirlit

Eftirlitið skal gera marknaðargreiningar og tryggja, at eitt nú almennar stuðulsskipanir veruliga koma brúkarunum til góðar

(Savnsmynd: Jens Kr. Vang)

SkrivaÐ:

Ingi Samuelsen

Tað var stór undirtøka fyri lógaruppskotinum frá landsstýrinum um broytingar í lógini um kapping. Málið var til aðru viðgerð í Løgtinginum í vikuni, og tá atkvøddu Sambandsflokkurin og Miðflokkurin saman við samgonguni fyri uppskotinum.

Fólkaflokkurin atkvøddi ímóti. Flokkurin metir, at Kappingareftirlitið við uppskotinum gongur ov nær rættinum hjá vinnurekandi at áseta vinning.

Endamálið við lógaruppskotinum er at geva Kappingareftirlitinum víðkaðar heimildir at gera marknaðarkanningar, so betur kann metast um, hvørt talan er um viðurskifti, ið mugu metast sum kappingaravlagandi.

Tað er greitt, at í einum lítlum marknaðarbúskapi sum tí føroyska er møguleiki fyri, at kappingin á einstøkum marknaðum er avmarkað og viðbrekin.

Uppskotið um príseftirlit er serliga komið í kjalarvørrinum av stóra prísvøkstrinum seinastu tvey árini, og teimum almennu stuðulsskipanum, sum eru í gildi fyri at fáa ferð á orkuskiftið. 

Greinin varð fyrstu ferð løgd út 21. mars 2024

Føroyar fáa nú eitt brekumboð

Hetta varð einmælt samtykt í løgtinginum í vikuni, og tað merkir, at Almanna- og mentamálaráðið nú veruliga kann fara undir fyrireikandi arbeiði

- At seta á stovn eitt brekumboð er eitt nýbrot fyri føroyska samfelagið, og er endamálið at betra um rættindi og kor hjá fólki, ið bera brek, sigur Sirið Stenberg. Løgtingslógin kemur í gildi 1. januar 2025 (Mynd: Sverri Egholm)

SkrivaÐ:

Agnar Prestá

Løgtingið hevur í vikuni einmælt samtykt uppskotið um løgtingslóg um brekumboð. Talan var um eitt uppskot, ið Sirið Stenberg, landsstýriskvinna við almannamálum, legði fyri Løgtingið fyri jól.

Heimasíðan hjá almanna- og mentamálum skrivar eisini, at lógin ásetir, at brekumboðið skal hava sum aðalmál at tryggja, at røddin hjá fólki, ið bera brek, gerst týðiligari í almenna rúminum. Brekumboðið skal virka fyri, verja og hava eftirlit við, at innlendis lóggáva, tænastur og tilboð eru í samsvari við ST sáttmálan um rættindi hjá einstaklingum, ið bera brek.

- Eisini skal brekumboðið hava ein upplýsandi leiklut um rættindi hjá fólki, ið bera brek. Sum ein liður í hesum arbeiði skal brekumboðið millum annað veita ráð og vegleiðing, um rættindi, kæru- og klagumøguleikar, og gera frágreiðingar og kanningar um viðurskifti hjá fólki, ið bera brek, skrivar Almanna- og mentamálaráðið.

Løgtingslógin um Brekumboð kemur í gildi 1. januar 2025. Almanna- og mentamálaráðið fer nú undir fyrireikandi arbeiðið.

Greinin varð fyrstu ferð løgd út 20. mars 2024

Javnstøðunevndin setti dagsskránna í New York

Í sambandi við kvinnurættindaráðstevnuna hjá Sameindum Tjóðum, CSW68, í New York, skipaði Javnstøðunevndin saman við norsku og svensku javnstøðu- og antidiskriminatiónsumboðunum fyri tiltakinum Nordic Models for Gender Equality

Umboð fyri norðurlendsku javnstøðumyndugleikarnar. Bjørk Maria Kunoy, forkvinna í føroysku javnstøðunevndini uttast til vinstru

SkrivaÐ:

Tíðindaskriv

Serstaka og søguliga norska sjómanskirkjan á Manhattan var karmur um tiltakið hjá Javnstøðunevndini um norðurlendskar javnstøðumyndugleikar og teirra aktuellu avbjóðingar, samstarv og loysnir.

Á skránni var pallborðsfundur millum forkvinnuna í Javnstøðunevndini, Bjørk Mariu Kunoy, svenska javnstøðuumboðið, Lars Arrhenius, og norska javnstøðu- og antidiskriminatiónsumboðið, Bjørn Erik Thon. Saman settu tey leiklutin hjá norðurlendskum javnstøðumyndugleikum undir luppin.

Aftrat teimum luttóku eisini Maja Kristina Jåma, sum er limur í norska sámatinginum, umframt Claru Berglund, aðalskrivara, og Solveig Hagen Strand, nevndarlim í ávíkavíst svensku og norsku kvinnufelagasamskipanini, nevnd Women’s Lobby. Samstarvið millum javnstøðumyndugleikar og áhugafelagsskapir og aðrar áhugapartar er avgerandi fyri felags endamálið, sum er at beina burtur mismun vegna kyn, og snúði kjakið seg um, hvussu avbjóðingarnar í dag kunnu loftast á bestan hátt.

Forkvinnan í Javnstøðunevndini greiddi frá breitt fevnandi arbeiðinum hjá nevnini, ið er bæði kærumyndugleiki og ráðgevi í javnstøðumálum, umframt at viðgera týdningarmikil javnstøðumál. Bjørk Maria Kunoy vísti á, at meðan arbeiðsøkið hjá Javnstøðunevndini er ógvuliga breitt, er fíggingin og starvsfólkaorkan avmarkað, og at nevndin tí er tengd at tøttum samstarvi við eitt nú áhugafelagskapir og stovnar, millum aðrar Fróðskaparsetur Føroya:

– Í Føroyum hava vit avmarkað tilfeingi at røkja tær nógvu uppgávurnar, sum eru á javnstøðuøkinum, og tí noyðast vit at hava tætt samstarv við myndugleikar aðrastaðni, eitt nú í Norðurlondum, og leita vit okkum vitan, ið onnur, ið hava størri starvsfólka- og pengaorku enn vit, hava savnað og viðgjørt. Tí er tað av alstórum týdningi, at Javnstøðunevndin, politikarar og onnur, ið varða av og viðgera javnstøðumál, luttaka á ráðstevnum sum CSW. Tí talan er um eina av týdningarmiklastu ráðstevnum, har øll gransking, royndir og vitan í heimshøpi er savnað á einum stað. Tað kann ikki metast í pengum, sigur forkvinnan í Javnstøðunevndini.

Allir javnstøðumyndugleikar vóru á einum máli um, at millum fremstu avbjóðingarnar á javnstøðuøkinum í Norðurlondum er ójavna arbeiðsbýtið og lønarlagið millum kynini. Tað er av alstórum týdningi, at menn og kvinnur í størri mun taka sær av óløntu arbeiðsbyrðuni heiminum í felag, soleiðis at bæði menn og kvinnur á jøvnum føti kunnu luttaka á arbeiðsmarknaðinum og harvið hava somu møguleikar at verða fíggjarliga sjálvbjargin.

Í heyst verður Javnstøðunevndin vertur fyri árliga samstarvsfundinum millum allar javnstøðumyndugleikarnar í Norðurlondum. Harumframt hevur Javnstøðunevndin avtalað fundir við fleiri norðurlendskar áhugafelagsskapir, sum hon hittist við í New York, fyri at at lata upp fyri enn meira norðurlendskum samstarvi í sambandi við temað á ráðstevnuni, sum var fíggjarlig javnstøða millum kyn.

Tíðindaskriv frá Javnstøðunevndini

Greinin varð fyrstu ferð løgd út 16. mars 2024

Fólkafundurin verður nú tikin uppaftur

Ætlandi verður fundurin hildin í Runavík í heyst. Fólkaræðislig røkt er bulurin í átakinum, boða fyriskipararnir frá

Ólavur í Geil, fyriskipari, og Tórbjørn Jacobsen, borgarstjóri. Runavíkar kommuna og fyriskipararnir eru vorðin samd um at endurreisa væl umtókta Fólkafundin, sum annars var hildin í árunum frá 2012 til 2015

SkrivaÐ:

Tíðindaskriv

Átakið Fólkafundurin verður nú tikið uppaftur. Ætlandi verður fundurin hildin í Runavík í heyst. Fólkaræðislig røkt er bulurin í átakinum.

Runavíkar kommuna og fyriskipararnir handan Fólkafundin eru vorðin samd um at endurreisa væl umtókta Fólkafundin, sum annars var hildin í árunum frá 2012 til 2015. Samfelagið er nógv boytt hesi árini síðan seinasta Fólkafundin, og áhugi er fyri, og fleiri áheitanir eru komnar, um at taka Fólkafundin uppaftur, og ætla vit at ganga hesum á møti. 

Endamálið við Fólkafundinum er framvegis hitt sama. Tað snýr seg um fólkaræðisligt orðaskifti millum fólk, feløg og myndugleikar – eisini um at styrkja nærdemokratiið.

- Sum sagt hava feløg longu sýnt áhuga fyri at luttaka, og longu nú er ein fyrilestur um kommunala bygnaðin í Føroyum settur á skrá, sigur Ólavur í Geil fyriskipari.

Runavíkar kommuna verður karmur um Fólkafundin, og kommunan fer sjálvandi at vísa seg frá sínari bestu síðu í døgunum 27. og 28. september/ 4.- 5. oktober í Bylgjuni við Løkin. At kommunuval verður hildið í Føroyum hin 12. november í ár, er hartil ein týðandi leikari í fyrireikingini.

- Vit eru ómetaliga glað fyri at Fólkafundin aftur verður fyriskipaður. Føroyar hava til eina og hvørja tíð tørv á, at fólkaræðið verður styrkt við slíkum átaki, sigur Tórbjørn Jacobsen, borgarstjóri í Runavíkar kommunu.

Greinin varð fyrstu ferð løgd út 19. mars 2024

ES umboðskvinna sær stórar møguleikar fyri samstarvi við Føroyar

Nýggja samstarvsavtalan millum Føroyar og ES gevur møguleika fyri atlimaskapi í Erasmus+, og slíkt kann gagna Føroyum, sigur Clara Ganslandt, ið hevur havt fund við Granskingarráðið

Á myndini frá vinstu: Maria Húsgarð, Clara Ganslandt og Dagmar Joensen-Næs (Mynd: gransking.fo)

SkrivaÐ:

Agnar Prestá

Føroyar fáa nógv burtur úr samstarvinum við ES, men enn eru fleiri stórir møguleikar, ið kunnu troytast. Serliga eru tað skipanir sum Erasmus+ og Creative Europe, Føroyar kunnu fáa stórt gagn av.

Tað heldur Clara Ganslandt, ið er serkøn umboðskvinna hjá ES í arktiskum viðurskiftum. Tað skrivar Granskingarráðið á heimasíðu sínari. Undir sínari vitjan í Føroyum hevur Ganslandt vitja hjá júst Granskingarráðnum og eisini Tórshavnar kommunu.

- ES-umboðið fekk nágreiniliga kunning um ES-verkætlanir, ið føroyskir granskarar og nýskaparar luttaka í, og um hvørjar møguleikar og avbjóðingar liggja í granskingarsamstarvinum millum Føroyar og ES. Umboðskvinnan var sera áhugað í at virka fyri at menna samstarvið, serliga á arktiska økinum. Hon helt eisini, at Føroyar eiga at gera sítt til at víðka samstarvið til eisini at fevna um serliga Erasmus+, sum er ein stuðulsskipan fyri útbúgvingarsamstarv, skrivar gransking.fo

Nýggja samstarvsavtalan millum Føroyar og ES gevur møguleika fyri atlimaskapi í Erasmus+, men ávísar treytir skulu lúkast fyrst. Góðkenningar og avtalur skulu fáast uppá pláss, og ein tjóðarskrivstova, sum umsitur limaskapin, skal setast á stovn. Luttøka í Erasmus+ kann vera við til at byggja upp netverk, ið gera tað lættari hjá føroyskum granskarum at koma við í Horizon verkætlanir hjá ES.

Greinin varð fyrstu ferð løgd út 20. mars 2024

Dalstunnilin liðugur í 2026

Ætlanin er at gera vegirnar í tunlinum í 2025 og 2026 og at leggja installatiónir, trygdarútgerð og ljós í 2026

Síðsta skotið fyri Dalstunlinum varð latið 9. november 2023 (Mynd: Landsverk)

SkrivaÐ:

Sverri Egholm

Dalstunnilin verður væntandi liðugur í 2026. Tað skrivar Dennis Holm, landsstýrismaður við samferðslumálum, í svari til Jóhannis Joensen, tingmann fyri Javnaðarflokkin, í grein 52 fyrispurningi.

Tingmaðurin spurdi hvussu tað gekk við arbeiðinum við Dalstunlinum, og um tíðarætlanin heldur.

Landsstýrismaðurin sigur, at arbeiðið hevur sum heild gingið væl. Fyrsta skotið varð latið av 5. november 2020 og tunnilin varð skotin í gjøgnum 9. november 2023.

Ymisk arbeiði eru síðani gjørd í tunlinum, og arbeitt hevur verið við at breiðka vegir í Dali og í Húsavík við alvopsgróti frá tunlinum. Miðað verður eftir, at tunnilin verður liðugt tryggjaður í 2024, at portalarnir verða gjørdir, og at partar av vegunum uttan fyri tunnilin verða endaliga lidnir, sigur Dennis Holm.

Ætlanin er at gera vegirnar í tunlinum í 2025 og 2026, og at leggja inn tekniskar installatiónir, trygdarútgerð og ljós í 2026. Í løtuni er ein partur av arbeiðinum inni í tunlinum nakað seinkað, tí tað hevur verið neyðugt at lýsa eftir nýggjum starvsfólkum til tunnilsarbeiðið.

Tunnilin verður væntandi liðugur í 2026, men tað er treytað av játtan, og at arbeiðið gongur, sum tað skal. Í ár eru 25 milliónir krónur játtaðar til verkætlanina, og eftir verandi íløguætlan verða 35 milliónir játtaðar í 2025 og at enda 30 milliónir krónur í 2026, sum skuldi verið nóg mikið, sigur landsstýrismaðurin í svarinum.

Fyrsta skotið fyri Dalstunlinum 5. november 2020 (Mynd: Sverri Egholm)

Greinin varð fyrstu ferð løgd út 19. mars 2024

Bygdaráðslimur mótmælti, at hann var vístur av fundi – men fekk ikki viðhald

Borgarstjórin í Skálavíkar kommunu hevði heimild at biðja bygdaráðslim halda seg burtur frá kommunustýrisfundur hóast hann sat á áhoyraraplássunum

Linjohn Christiansen, borgarstjóri í Skálavíkar kommunu (Savnsmynd)

SkrivaÐ:

Ingi Samuelsen

Um ein kommunustýrislimur er ógegnigur í einum máli og hevur biðið eykafólk umboða seg á fundi, so kann viðkomandi kommunustýrislimur ikki vera til staðar, tá málið verður viðgjørt.

Heldur ikki um talan er um almennan bygdaráðsfund.

Hetta er niðurstøðan hjá Kommunala eftirlitinum í einum klagumáli, har ógegnigi býráðslimurin kærdi um, at borgarstjórin hevði biðið hann fara út tá málið varð viðgjørt, hóast hann sat á áskoðaraplássunum á almennum kommunustýrisfundi.

Tað er Skálavíkar kommuna, sum kunngerð niðurstøðuna hjá Kommunala eftirlitinum.

Tað var á einum býráðsfundi í heyst, at borgarstjórin í Skálavík bað bygdaráðslimin, ið var ógegnigur um at halda seg uttanfyri, meðan málið varð viðgjørt á almennum bygdaráðsfundi.

Bygdarráðslimurin var sjálvur klagari í einum máli um byggisamtykt, og hevði tí ikki gegni til at vera við í viðgerðini av málinum.

Við heimild í Kommunustýris- og Fyrisitingarlógini hevur Kommunala eftirlitið givið borgarstjóranum í Skálavíkar kommunu viðhald í, at hann hevði heimild til biðja kommunustýrislimin fara av fundi meðan málið varð viðgjørt.

Frágreiðingin hjá Kommunala eftirlitinum sæst her

Greinin varð fyrstu ferð løgd út 18. mars 2024

250.000 krónur til verkætlanir um vatn

Hvørt ár velur Umhvørvisdeildin í Tórshavnar kommunu eitt ella fleiri umhvørvisevni í sambandi við umhvørvisvikuna og umhvørvisstuðulin, og umhvørvisevnið í ár er vatn

(Mynd: torshavn.fo)

SkrivaÐ:

Alda Nielsdóttir

Tórshavnar kommuna letur 250.000 krónur í stuðli til verkætlanir um vatn.

Hvørt ár velur Umhvørvisdeildin í Tórshavnar kommunu eitt ella fleiri umhvørvisevni í sambandi við umhvørvisvikuna og umhvørvisstuðulin, og umhvørvisevnið í ár er vatn, skrivar kommunan á heimasíðu síni.

– Valdu umhvørvisevnini leggja seg aloftast upp at einum ella fleiri av teimum 17 heimsmálunum hjá ST fyri burðardyggari menning. Umsóknir um umhvørvisstuðul skulu sum meginregla halda seg innan valda evnið. Tó kunnu aðrar viðkomandi verkætlanir eisini fáa stuðul, sum liggja innan fyri endamálsorðingina fyri stuðul til umhvørvistiltøk.

– Umhvørvisevnið í 2024 er vatn. Vatn hevur verið nógv frammi í seinastuni – bæði drekkivatnið, svimjivatnið í áum, ósum og á sjónum og ikki minst spillivatnið. Við hesum evni verður arbeitt serliga við heimsmálunum nr. 6 og nr. 14, skrivar Tórshavnar kommuna.

Heimsmál nr. 6

Reint vatn og reinføri skal tryggja øllum, at vatn og reinførisviðurskifti eru í lagi og umsitin á burðardyggan hátt.

Vit skulu millum annað betra um vatngóðskuna við at minka um dálking, steðga dumping av burturkasti og minka sum mest um útlátið av vandamiklum kemiskum evnum og tilfari. Nøgdirnar av óviðgjørdum spillivatni skulu skerjast, og endurframleiðsla og endurnýtsla verður økt nógv um allan heim.

Og vit skulu verja og endurskapa vistskipanir, tengdar at vatni, sum fevna um fjøll, skóg, mýrilendi, áir, grundvatnsgoymslur og vøtn.

Heimsmál nr. 14

Heimsmál 14 snýr seg um at verja lívið í havinum. Vit skulu varðveita og á burðardyggan hátt nýta høvini, allan sjógv og sjófeingi til burðardygga menning.

Freistin at søkja um umhvørvisstuðul er 31. mars, og á umhvørvisvikuni, sum verður í viku 19, verður kunngjørt, hvørjar verkætlanir fáa stuðul.

Greinin varð fyrstu ferð løgd út 18. mars 2024

Tórshavnar Havn tekur stig á burðardyggari kós

Tórshavnar havn er vorðin partur av netverkinum EPI – Environmental Port Index

 

SkrivaÐ:

Tíðindaskriv

Hetta er eitt týðandi stig á burðardyggari kós hjá Tórshavnar havn og Tórshavnar kommunu. Serstakliga, tá tað ræður um cruiseferðavinnuna.

Í september í fjør vóru Tórshavnar havn og aktørar innan cruiseferðavinnuna á kunnandi fundi í Havn við EPI. Tá fingu partarnir kunning um skipanin, og hvønn týdning hetta hevur fyri havnirnar og móttøkubýirnar.

Millum luttakararnar vóru umboð fyri føroysku ferðavinnuna, havnirnar, politikkarar, agentar, Visit Tórshavn og Visit Faroe Islands.

Hanus Mikkelsen, stjóri í Tórshavnar havn, heldur at tað, at Tórshavnar havn er vorðin partur av EPI fer at gagna bæði Tórshavnar havn og Tórshavnar kommunu.

– Vit gleða okkum at brúka royndirnar frá EPI at menna eina grønari og meira ábyrgdarfulla cruiseferðavinnu. Hetta fer at vísa á Tórshavnar havn og Tórshavnar kommunu sum eitt frálíkt ferðamál. Tað vísir eisini, at vit vilja ganga undan, tá tað ræður um burðardygd.

Í ár fer Tórshavnar havn at savna tilfar og máta, hvussu ferðamannaskip ávirka umhvørvið. Gjøgnum EPI kann hetta nýtast til at gera eina møguliga gjaldskipan, har tey skip, ið dálka mest, rinda meira, enn skip, sum dálka minni.

Við støði í royndunum fer Tórshavnar havn í 2025 at taka støðu til, um ein differentiera gjaldskipan skal setast í verk.

Fleiri enn 30 havnir í norðurlondum eru limir í EPI. Tórshavnar havn er einasta føroyska havnin.

Greinin varð fyrstu ferð løgd út 18. mars 2024

Ovi Brim verður skipaður í embætið sum próstur

Annan páskadag klokkan 11 er Gøtu kirkja karmur um søguliga hending, tá Ovi Brim verður skipaður í próstaembætið

Ovi Brim (Savnsmynd: Jens Kr. Vang)

SkrivaÐ:

Sverri Egholm

Annan páskadag klokkan 11 er Gøtu kirkja karmur um søguliga hending. Henda dagin skipar biskupur Ova Brim í embætið sum próstur.

Embætið er nýtt. Tað nemur nakað av tí, ið dómpróstur og biskupur áður hava havt um hendi. Tað vil siga, at leiðslan í fólkakirkjuni betur fær stundir at røkja sínar uppgávur, sigur Jógvan Fríðriksson, biskupur.

Próstur røkir fleiri uppgávur biskupsins vegna, t.d. viðurskiftini hjá prestunum. Hann tekur sær av strategiskum málum, ið er menning av kirkjulívinum. Hann skal menna talgildar mannagongdir í fólkakirkjuni í tráð við eftirspurningin í samfelagnum.

Eitt annað mál, ið embætisliga er próstsins burturav, er at hava eftirlit við kirkjubókunum og í hesum sambandi hava ábyrgd av samskiftinum millum kirkjuna og stovnar landsins.

- Próstur er fyrst og fremst – eins og dómpróstur og biskupur – prestur. Okkara kall er at boða evangeliið um Jesus Krist menniskjum til signingar og Guði til heiðurs, sigur Jógvan Fríðriksson.

Greinin varð fyrstu ferð løgd út 18. mars 2024

Nýggj nevnd í Føroya Pro Vita

Rebekka Fuglø Poulsen er nýggj forkvinna í Føroya Pro Vita

(Mynd: Føroya Pro Vita)

SkrivaÐ:

Sverri Egholm

Føroya Pro Vita hevði 20. februar aðalfund, og nýggj nevnd varð tá vald.

Nevnin hevur nú skipað seg, og tað er við nýggjari forkvinnu. Nýggja forkvinnan er Rebekka Fuglø Poulsen.

Soleiðis hevur nevndin skipað seg
Rebekka Fuglø Poulsen, forkvinna
Björk Sadembou, varaforkvinna
Noomi Gregersen, skrivari
Nigro Bjarki Hermansen, kassameistari
Birita Lamhauge Jóansdóttir, nevndarlimur
Paulina Fuglø, eykanevndarlimur
Ruth Norðgerð er í farloyvi og er ikki við á myndini

Føroya Pro Vita er ein sjálvboðin hjálparfelagskapur, sum hevur til endamáls at verja lív, frá gitnaði til náttúrligan deyða.

Greinin varð fyrstu ferð løgd út 22. mars 2024

Tak ikki óneyðugar kjansir

Brúkar tú blinkaran? er spurningurin í nýggja átakinum hjá Ráðnum fyri Ferðslutrygd

 

SkrivaÐ:

Tíðindaskriv

Í ferðsluni er neyðugt at vera árvakin. Tú má hyggja teg væl um. Ikki lata teg órógva óneyðugt og hugsavna teg um tað, sum hevur týdning í ferðsluni. Og tú má ikki taka óneyðugar kjansir. 

Minnist tú eisini at vísa hinum í ferðsluni, hvønn veg tú ætlar tær?

Hetta er kjarnin í nýggja átakinum hjá Ráðnum fyri Ferðslutrygd. Tí tað kann elva til ørkymlan og vandastøður, um bilførarar gloyma at blinka.

Í hesum sambandi hava vit verið ein túr í studio og fingið Marius DC at hjálpa okkum. Úrslitið er ’Brúkar tú blinkaran’, sum millum annað staðfestir ”Eg skilji ikki, hvussu tað kann vera so ’svert’ at vísa hvønn veg tú fert!”

Ljóðlýsingin verður at hoyra á útvarpsrásunum og á sosialu pallunum hjá RFF. Átakið byrjar í dag og heldur fram í tríggjar vikur. 

Greinin varð fyrstu ferð løgd út 18. mars 2024

Seta sjóneykuna á ung á norðurlandadegnum

Skipað verður fyri tiltaki í Norðurlandahúsinum seinnapartin við kjaki og framløgum sæð frá einum ungum sjónarhorni

 

SkrivaÐ:

Tíðindaskriv

Norðurlandadagurin 23. mars í ár setur sjóneykuna á norðurlendskt samstarv, sæð frá einum ungum sjónarhorni. Norðurlandahúsið verður karmur um eitt spennandi og áhugavert ungdómstiltak við framløgum, tónleiki og kjaki, har tað at vera ungur í norðurlondum er á breddanum.

Norðurlandahúsið, NORA, Norrøna Felagið í Føroyum og Uttanríkis- og Vinnumálaráðið bjóða til ein seinnapart, har trivnaður í økinum, og serliga í útjaðaranum, er í fokus. Tilmælini, sum vórðu samtykt á Ungdommens Nordiske Råd í Oslo á heysti í 2023, leggja støði undir dagsins evnum.

Ung úr Føroyum, Íslandi og Danmark leggja fram um norðurlendskar samstarvsmøguleikar og skipanir, sum styrkja økið, og aftaná verður panelkjak.

Eitt tónleikainnslag verður við næmingum sum ganga á tónleikabreytini á NámX. Tey eru ein spírandi talentfullur ungdómur og hetta kann heilt víst vissa okkum um, at framtíðin hja tónleikalívinum er bjørt.

Borðreitt verður við brellbitum, kaffi og køku.

Skráin:

Vælkomin: Bjarni Kárason Petersen, norðurlendskur samstarvsráðharri

Framløga: Tilmæli frá Ungdommens Nordiske Råd í Oslo – Jóhannis Erlendsson, limur í Framsøkin Ung

Framløga: Royndir frá Norðuratlantiska studentaflokkinum – Svava Þóra Árnadóttir, fyrrverandi næmingur úr Íslandi

Framløga: Nordjobb, ein starvsmøguleiki hjá ungum í norðurlondum – Jonas Okkels Sørensen, nordjobbari úr Danmark

Norðurlendska Herðaklappi: Viðurkenning fyri serligt avrik innan norðurlendskt samstarv í Føroyum 

Tónleikainnslag: Næmingar á tónleikabreytini á Nám X framføra.

Steðgur og lætt ábit

Panel: Kjak millum ungar og eldri nordistar. Hvussu kunnu norðurlond blíva tað mest kappingarføra og integreraða økið, sætt frá einum ungum sjónarhorni. Panelluttakarar:

- Bjarni Kárason Petersen, norðurlendskur samstarvsráðharri
- Johan Dahl, limur í Norðurlandaráðnum
- Jógvan Jón Henriksen, luttakari í Nordregio verkætlan
- Jóhannis Erlendsson, limur í Framsøkin Ung
- Eyðdis Hartmann Niclasen, limur í Útnorðurráðnum
Orðstyrari: John Johannesen, miðlafólk

Greinin varð fyrstu ferð løgd út 21. mars 2024

Móðurmálsdagurin verður hátíðarhildin í Varpinum

Stóra tiltakið verður mánadagin í Klaksvík. Tað er alment og byrjar klokkan 16

- Tú hugsar kanska, at tað sigur seg sjálvt, at føroyingar tosa føroyskt. Men tað sigur ikki seg sjálvt (Mynd: Jan Müller)

SkrivaÐ:

Tíðindaskriv

Tú hugsar kanska, at tað sigur seg sjálvt, at føroyingar tosa føroyskt. Men tað sigur ikki seg sjálvt. Tí eins og hetlendingar tosa enskt í dag, kundu vit tað sama tosað danskt. Orsøkin til, at vit hava megnað at varðveitt okkara móðurmál, er, at nakrar eldsálir hava givið okkum okkara egna skriftmál, skúlamál, kirkjumál og yvirhøvur tikið megnartøk føroyskum máli at frama.

Greinin varð fyrstu ferð løgd út 19. mars 2024

Hanne Marit Mordal Iversen í Løkshøll 24. mars

Hon hevur seinastu gjørt vart við seg í fínum selskapi. Hanne er uppvaksin í Noregi, men hevur ættarbond til Kvívíkar. Sunnudagin klokkan 16 framførir hon saman við klaverleikaranum Harald Ramm Haugland

Iversen ættarbondini eru úr Kvívík, men hon er uppvaksin í Molde í Noregi. Í løtuni er hon í gongd við eina master og er eisini fastur partur av elitukórinum Det Norske Solistkort

SkrivaÐ:

Tíðindaskriv

Unga gávuríka sangstjørnan Hanne Marit Mordal Iversen, hevur bergtikið bæði áhoyrarar, ummælarar og dómsnevndir runt um í heiminum. Sunnudagin 24. mars fer hon á pallin í Løkshøll at framføra eina røð av sangperlum fyri sopran saman við norska klaverleikaranum Harald Ramm Haugland.

Iversen ættarbondini eru úr Kvívík, men hon er uppvaksin í Molde í Noregi. Hanne Marit byrjaði at spæla klaver sum barn, men tá ið hon fór á Toneheim Folkehøgskole skifti hon klaverið út við sang. Hon hevur síðani tikið eina bachelor útbúgving við NTNU í Tróndheimi, Hochschule für Musik und Theater í München og Norges Musikkhøgskole í Oslo. Í løtuni er hon í gongd við eina master, og er eisini fastur partur av elitukórinum Det Norske Solistkort, har hon syngur í kórinum, og er solistur, tá ið navnframa kórið framførir á heimabana og runt um í Evropa. 

Her heima hava vit notið gott at hennara framúr flottu sopranrødd á nýggjárskonsertini í 2023, tá ið hon framførdi ariuna "O zittre nicht" eftir Mozart saman við Føroya Symfoniorkestri og í verkinum "Dixit Dominus" eftir Händel. Um páskirnar verður hon eisini solistur, tá ið Brahms Requiem verður framført runt um í landinum. 

Norski klaverleikarin og tónasmiðjurin Harald Ramm Haugland fer at hava klaverfylgispælið á konsertini í Løkshøll, og verður hann eisini at síggja á listanum yvir tónasmiðjir til okkurt av verkunum, ið tey bæði í Duo Trio fara at framføra. Á skránni verða eisini verk eftir m.a. Edvard Grieg og Jógvan Waagstein. 

Konsertin verður sunnudagin 24. mars kl. 16 og varir ein tíma. Atgongumerki til konsertina eru at fáa á loksholl.fo og við dyrnar.

Greinin varð fyrstu ferð løgd út 20. mars 2024

Jard Samuelson kemur aftur til Føroya

20. apríl verður country- og gospel konsert í Lívdini í Hoyvík við yngsta av kendu svensku Samuelsons brøðrunum

Jard og Carina Samuelson

SkrivaÐ:

Jákup Bech Jensen

Helst eru tað mong, sum við gleði minnast aftur á konsertirnar í 1970unum við Samuelson brøðrunum úr Svøríki. Teir fýra brøðurnir vóru Rolf, Kjell, Olle og Jard Samuelson.

Fyrsta konsertin við Samuelsons í Føroyum var í 1975 í høllini á Hálsi. Høllin var fullsett. Jard, sum er yngsti beiggin, sigur, at hann minnist, hvussu væl móttiknir teir vóru, tá ið teir komu til Føroya, og hvussu hugaligt tað var at spæla og syngja í eini fullsettari ítróttarhøll. Eisini var hann hugtikin av vøkru føroysku náttúruni.

Samuelson-brøðurnir í 1970'unum. Frá vinstru Olle, Jard, Kjell og Rolf

Aftur til Føroya í 1976 og 1977

Vegna stóru undirtøkuna varð avgerð tikin um at fáa Samuelson brøðurnar aftur til Føroya sum skjótast. Avtala varð so gjørd um, at teir skuldu koma aftur árið eftir. Tá var áhugin enn sera stórur, og aftur var høllin fullsett. Tí varð avgerð tikin um at gera enn meir burturúr árið eftir.

Av tí at undirtøkan hevði verið so stór bæði í 1975 og 1976, varð avgjørt, at í 1977 skuldu Samuelson brøðurnir ikki bara hava eina konsertferð til Føroya, men eina í januar og so eisini eina í september. Samuelsons vóru so væl umtóktir, at mann metti, at tað ikki var nokk við konsert í Havn. Tí varð skipað fyri konsert í Klaksvík og í Hvalba. Allar konsertirnar vóru útseldar.

Pat Boone kom við Samuelson brøðrunum

Í 1977 var Pat Boone á konsertferð í Norðanlondum, saman við Samuelson brøðrunum.

Konsertin í januar 1977 var tí serlig, tí umframt at fáa svensku brøðurnar aftur til Føroya, so var heimsstjørnan Pat Boone við á ferðini.

Pat hevði konuna Shirley og tvær døtur við á ferðini, og tær sungu saman við honum. Áðrenn tey komu til Føroya at hava konsert, høvdu tey havt konsert í Finnlandi, Svøríki og Noregi. Eftir konsertina í Føroyum, gekk leiðin til Niðurlond.

Fýra gjørdust tríggir

Í 1981 doyði elsti beiggin, Rolf Samuelson. Eftir hetta hildu hinir tríggir beiggjarnir á í nøkur ár. Teir vóru í Føroyum einaferð i 1980unum.

Eftir at teir tríggir samdust um at gevast, byrjaði Jard í 1986 at syngja einsamallur. Í 1988 giftist hann við Carinu, sum eisini er sangari. Tey bæði hildu so á við tónleikalívinum. Seinri kom sonur teirra, Magnus, at framføra saman við foreldrunum.

Carina, Jard og sonurin Magnus Samuelson

Jard kemur aftur til Føroya

Eg gleði meg nógv at koma aftur til Føroya, hesaferð uttan brøður mínar, men saman við konuni og soninum, sigur Jard.

Hann vónar, at nógv fólk koma á konsert, og at hann fær møguleika at heilsa uppá nógv av teimum, hann kennir frá tíðini við Samuelsons. Tónleikurin, tey framføra, er ein blanding av dansiband, country og gospel.

Tað er Praise Him, sum skipar fyri konsertini, sum verður 20. apríl kl. 20 í Lívdini í Hoyvík.  

Greinin varð fyrstu ferð løgd út 20. mars 2024

Av tilvild, at Samuelsons komu til Føroya

Svágurin, Halleluja Sofus, fann telefonnummarið á plátuhúsanum

Victor Carlsen

SkrivaÐ:

Jákup Bech Jensen

Í apríl kemur Jard Samuelson aftur til Føroya at hava konsert, 50 ár eftir at byrjað varð at planleggja fyrstu ferðina hjá honum og brøðrum hansara til Føroya.

Jard er tann yngsti av teimum fýra Samuelson brøðrunum, sum vóru í Føroyum fimm ferðir í 70unum og 80unum.

Undangongumaðurin Victor Carlsen

- Eg veit ikki, hvaðan eg fekk fyrstu plátuna av Samuelsons, men mær dámdi sang og tónleik teirra sera væl, sigur Victor.

Ein dagin, tá hann og svágurin Sofus Hansen (Halleluja Sofus) lurtaðu eftir plátuni, fóru teir at snakka um, at tað hevði verið stuttligt at fingið Samuelsons til Føroya. Hetta var akkurát tónleikur, sum føroyingum hevði dámt.

- Ring til Uppsala!

Sofus hevði plátuhúsan í hondini, og sigur knappliga, at har er eitt telefonnummar í Uppsala. Sofus helt, at Victor átti at ringt og roynt at fingið avtalu í lag um at fáa Samuelsons til Føroya.

Victor ringir, og tað eydnast honum at fáa avtalu um at møtast í Stokkhólmi. Tað passaði væl, tí Victor skuldi til Danmark við kórinum í Filadelfia við Landavegin í Havn. So túrurin til Stokkhólm gjørdist eitt framhald av túrinum til Danmarkar.

Victor við gestabókini, har Jard hevur skriva honum eina heilsan í 1975

Fáa avtalu í lag

Rolf Samuelson, sum var tann elsti av Samuelson brøðrunum, tók ímóti Victori á flogvøllinum. Victor merkti við tað sama, hvussu vinaligur og jaligur Rolf var. Hann vísti Victor teirra nýggju skrivstovu, og skjótt var avtalan komin uppá pláss. So var at fáa øll praktisk viðurskifti uppá pláss.

Victor fekk leigað Høllina á Hálsi. Tað var skjótt fingið upp á pláss, men avbjóðing var, at tað vóru eingir stólar í ítróttahøllini. So Victor mátti runt alla Havnina at lána stólar.

Hann fekk fylt høllina við stólum og tað var gott, tí tá ið konsertin byrjaði, var ikki ein tómur stólur.

Jard Samuelson aftur til Føroyar

Jard hevur konsert í Føroyum 20. apríl kl. 20 í Lívdini í Hoyvík. Hendan konsertin er við Jard, konuni Carinu og soninum Magnus.

Victor gleðist um, at yngri kreftir hava fingið hesa konsert í lag, og á tann hátt bera kyndilin víðari. Eisini er hann glaður um, at næsta Samuelson ættarliðið er við á ferðini. Magnus, sonur Jard, er elektrikari og hevur egna fyritøku. Men hann gleðist um møguleikan at koma til Føroya, sum pápi hansara hevur sagt honum so nógv um.

Halleluja Sofus hitar upp

Tað var Halleluja Sofus, sum fyri 50 árum síðani fekk Victor at ringja til Samuelsons.

Nú Jard og familjan vitja aftur, fær Sofus ein heldur øðrvísi leiklut. Sofus skal á pallin at hita upp. Jard er sera fegin um, at eingin minni enn Sofus skal byrja kvøldið, við síni serstøku rødd.

Greinin varð fyrstu ferð løgd út 22. mars 2024

Nick Carter spælir á Voxbotn

Hann hevur ríkað kvinnuhjørtu síðan hann var tannáringur, og 29. juni spælir hann í Vágsbotni

 

SkrivaÐ:

Sverri Egholm

Hetta er eitt hál av teimum heilt stóru. Heimskendu Backstreet Boys hava bert konsertir í Las Vegas komandi mongu árini, men ein av limunum í dreingjabólkinum, Nick Carter, hevur avgjørt at leggja leiðina framvið Føroyar til Voxbotn í summar.

- Vit kenna hann frá løgum sum 'I want it that way' og 'Quit playing games with my heart'. Hesin harrin hevur ríkað kvinnuhjørtu líka síðan hann var tannáringur og áhugin fyri honum er ikki minkaður við árunum, siga fyriskipararnir.

Eftir ein steðg uppá sjey ár, hava fjepparar kring allan heim bíðað eftir, at hann ger sítt comeback. Og tað er nú. Tað er gravgangur hjá fyriskiparum at fáa fatur á Nick, eins og tað er gravgangur hjá fjepparunum at fáa fatur á atgongumerkjum.

- Í Føroyum eru vit nú so heppin, at tað er eydnast okkum at sleppa uppí part. Nick Carter er nærum betri umtóktur enn nakrantíð og er tað sera stórt, at tað hevur eydnast Voxbotn at fáa hann til Føroya. Hetta kemur hann, í samband við hansara 'Who Am I' konsertferð í gjøgnum Europa, saman við orkestri sínum.

Hetta verður ein syngið við løta av teimum heilt stóru, tá løg sum 'Everybody', 'Shape of My Heart' og 'As long as You Love Me' fara at runga í býnum. Fyriskipararnir vænta, at hetta verður ein av orsøkunum til, at Voxbotn enn einaferð verður útselt í 2024.

Frammanundan er greitt, at Justin Jesso, Peter A.G., Tobias Rahim og Gobs koma á Voxbotn 2024 sum verður 29. juni.

Greinin varð fyrstu ferð løgd út 19. mars 2024

Nelly Moar er 20. navnið á G! skránni

Talan er um ungt stjørnuskot, sum tey í Noregi hava stórar vónir til

 

SkrivaÐ:

Tíðindaskriv

Norsku miðlarnir eru ikki í iva: Nelly Moar er størsta R&B vónin, tey eiga, og í juli verður hon at hoyra í Syðrugøtu.

Talan er um ungt stjørnuskot, sum longu hevur verið tilnevnd Spellemannprisen. 

Við uppruna í djasslærdómi spælir Nelly Moar sína egnu tulking av R&B, har hon snildisliga blandar 2-step upp í kantutu og heitu framleiðslurnar. 

Umboð fyri G! festivalin var har, tá ið Nelly Moar herfyri spældi við bólki sínum fyri fullum sali í Groningen, Hollandi.

- Framførslan var fullkomiliga framúr. Ótrúliga evnaríku tónlistarfólkini, sum øll hava gingið í djasskúla saman, hava handverkið upp á pláss, og spæla ómetaliga væl saman. Tað verður ein gløðandi løta, tá ið Nelly Moar trínur á pallin á G! 2024.

Greinin varð fyrstu ferð løgd út 19. mars 2024

Deiggj útgávukonsert í Løkshøll í kvøld

Spæla allar sangirnar á nýggju LP-plátuni umframt aðrar sangir, sum vælumtókta orkestrið hevur givið út gjøgnum árini

Deiggj eru aftast f.v. Páll Holm Lave, Pætur Mohr Dam, Sverri Heinesen og Fróði Vestergaard. Fremst f.v. Dennis Lave og Rani H. Christiansen (Mynd: Leivur Thomsen)

SkrivaÐ:

Tíðindaskriv

Stutt fyri jól lat tónleikabólkurin Deiggj nýggja útgávuna “Tíð” úr hondum, og hon hevur verið nógv at hoyra í útvarpinum. Serliga eru tað løgini 'Hví grætur tú', 'Í viðarlundini' og 'Kom lat okkum dansa', sum hava verið nógv frammi.

Framføra egið tilfar

Deiggj fer at framføra øll tey nýggju løgini frá plátuni “Tíð”, og hartil sangir av plátuni, “Stormávaring”, sum kom út 1985. Umframt onnur stakløg, sum bólkurin hevur givið út ímillum báðar LP pláturnar. 

Deiggj hevur sín uppruna á Tvøroyri á heysti í 1981, tá tónleikabólkurin varð settur á stovn. Tveir froðbingar og fýra tvøramenn mannaðu bólkin. Nú meira enn 42 ár seinni spæla teir enn við Deiggj og eru bestu vinmenn. Fýra av upprunalimunum eru enn við í bólkinum. Teir feskastu deiggjarnir hava spælt í ávikavíst 24 og 15 ár við bólkinum.

Deiggj hevur øll hesi árini verið ein sera virkin bólkur, og hevur spælt bæði uttanlands og í Føroyum øll hesi árini.

Deiggj hevur í mong verið ein nógv umbiðin cover-bólkur við serligum denti á løg hjá m.a. Uriah Heep og Deep Purple. Men at spæla egið tilfar, hevur í langa tíð verið ein dreymur hjá Deiggj. Hesini dreymurin verður nú til veruleika, tí leygarkvøldið 23. mars kl. 20 trína tónleikararnir í Deiggj á pallin í Løkshøll. Við sær hava teir eisini nakrar gestasangarar. Guðrun Sólja fer at syngja hittið 'Hví grætur tú', og hon er eisini við á lagnum 'Kom lat okkum dansa'. Hartil verður Barbara á Tjaldrafløtti við á nøkrum løgum.

Seinast Deiggj hevði eina líknandi konsert var í Salt á Tvøroyri. Til hesa konsertina var útselt, so vert er at tryggja sær atgongumerki í góðari tíð. Eisini verður møguleiki at ogna sær nýggju LP’ina og fáa hana signeraða. Við hvørjari LP fylgir ein ókeypis fløga.

Teir, ið manna Deiggj, eru:
Dennis Lave, sang
Fróði T. Vestergaard, sang, tangentar og kassagittar
Páll Holm Lave, gittarar og kór
Pætur Mohr Dam, tangentar
Sverri Heinesen, bassgittar
Rani H. Christiansen, trummur

Greinin varð fyrstu ferð løgd út 20. mars 2024

Jazzygold og Sakaris á Mentanarnáttini á Tvøroyri

Fríggjakvøldið 31. mai verður mentanarnátt á Tvøroyri

Jazzygold á The Great Escape (Mynd: Jamie MacMIllan)

SkrivaÐ:

Tíðindaskriv

Fríggjadagin 31. mai verður mentanarnátt á Tvøroyri. Á skránni verða m.a. fleiri tónleikaframførslur, og fyrstu nøvnini, sum Tvøroyrar kommuna kunnger eru Jazzygold og Sakaris.

– Røddin handan Jazzygold er navnframa Jasmin Mote, ið hevur eina einastandandi sangrødd og sjáldsom evnir til at rúnarbinda áhoyrararnir við sínum framførslum.

– Síðan Jasmin Mote legði bólkin Jasmin í dvala og avdúkaði sítt nýggja artistnavn Jazzygold í 2023, hava vit fingið fýra frálík stakløg: "boring like me", "dyed my hair red", "lonely afterparties" og "day off", og so hevur hon eisini fingið frálík ummæli á festivalum uttanlands. Hon hevur veri í Englandi, Íslandi, Noregi og Niðurlondum, men nú er hon endiliga klár at koma heim at spæla nakrar konsertir, og ein av teimum verur til mentanarnáttina í Tvøroyri, skrivar Tvøroyrar kommuna.

Sakaris á G! (Mynd: Filippo de Dionigi)

– SAKARIS hevur verið ein støðugur veitari av góðum konsertupplivingum og framúr poppløgum, líka síðan debutplátuna í 2012. Hann hevur altíð leverað, líkamikið um framførslan er á G! pallinum, til eitt bingo í pensjonistafelagnum ella til ein trettan ára føðingardag. Í løtuni verður nýggjasta staklagið “Allarbesti" tráspælt í føroyskum útvarpi. Umframt hetta hevur hann eina rúgvu av peppandi hittum í skjáttuni, harímillum “Aalborg”, “Magical Bag of Fun” og so hin víðagitni (í Føroyum) “I Put On This Dress Only for You”, sum hevur ljómað í mangum føroyskum veitslum.

– Sakaris hevur ikki spælt í Suðuroynni síðan hann rokkaði við Lama Sea á Prix Føroyar í 2005, so hann gleðir seg ómetaliga nógv at spæla til Tvøroyar Mentanarnátt undir egnum navni fyri fyrstu ferð.

Sambært Tvøroyrar kommunu verða fleiri nøvn løgd afturat komandi dagarnar.

Greinin varð fyrstu ferð løgd út 16. mars 2024

Nýggj upprunaføroysk myndabók til smábørn

Guðrið H. Jacobsen hevur skrivað, og Henny Dánialsdóttir hevur myndprýtt "Eg vil eisini!" Útgávutiltak fyri børn verður í dag á barnabókasavninum í Havn

Hetta er fyrsta bók hjá bæði rithøvundi og myndprýðara. Søgan er íspunnin saman við børnunum hjá Guðrið

SkrivaÐ:

Tíðindaskriv

Bókadeild Føroya Lærarafelags gevur nú út nýggja upprunaføroyska myndabók til smábørn.

“Eg vil eisini!” er smábarnabók, sum Guðrið H. Jacobsen hevur skrivað, og Henny
Dánialsdóttir hevur myndprýtt. Hetta er fyrsta bók hjá bæði rithøvundi og myndprýðara.

Fílurin vil duga at sveiggja í trøunum líka sum apan, og apan vil duga at gera springvatn líka sum fílurin. 1, 2, 3 – og nú!

Hetta er ein fitt og stuttlig søga við elskuligum myndum, um at vilja duga tað, sum hini duga. Men vit eru øll ymisk, og duga øll okkurt serligt.

Guðrið er námsfrøðingur og fæst við handaligt virksemi á verkstaðnum Vón. Hon er úr Miðvági og býr í Havn. Søgan er íspunnin saman við hennara børnum.

Henny er myndlistalærari á Nám X og ráðgevi á Námi. Í frítíðini fæst hon við nógv kreativt sum at mála, gera grafikk og glaslist. Hon er úr Oyndarfirði og býr í Havn. 

Bókin kemur í handlarnar 22. mars.

Í samband við hetta verður útgávutiltak fyri børn dagin eftir, leygardagin 23. mars klokkan 15, í nýumvældað barnabókasavninum í Havn. Guðrið fer at lesa søguna, og Árni Jóhannesson úr Látiløtuni kemur at syngja og spæla nakrar barnasangir við børnunum.

Aftaná verður ein drekkamunnur og møguleiki at keypa bókina fyri serprís. Høvi verður at hitta rithøvundin og myndprýðaran.

Greinin varð fyrstu ferð løgd út 19. mars 2024

Anni Haraldsen í Ribarhúsi

Framsýningin við áseymaðum myndum letur upp sunnudagin og hongur til 9. apríl

 

SkrivaÐ:

Tíðindaskriv

Í morgin, pálmasunnudag, letur upp listaframsýning í Ribarhúsi í Fuglafirði við áseymaðum myndum hjá Anni Haraldsen.

Anni er fuglfirðingur, men er búsitandi í Svendborg í Danmark. Seinastu árini er hon farin at brúka alt meira tíð upp á útinna sína serliga listagávu, sum er at gera áseymað listaverk. Oftast er tað føroysk landsløg og bygdaløg, men eisini persónslýsingar.

Listaframsýningin í Ribarhúsi letur upp pálmasunnudag klokkan 15, tá Bárður á Lakjuni eisini fer at undirhalda við sangi og spæli.

Framsýningin hongur uppi til 9. apríl. Hon er opin mánadag til fríggjadag frá kl. 13 til 16, leygardagar kl. 11 til 14 og páskadagarnar kl. 14 til 17.

Greinin varð fyrstu ferð løgd út 19. mars 2024

“This is my life" í Dansifrøi

Konsert- og dansikvøld við Kim Larsen-sangum leygarkvøldið 13. apríl

 

SkrivaÐ:

Tíðindaskriv

13 apríl verður Dansifrøi karmur um eitt stórt Kim Larsen dansi/konsert-kvøld, har fýra av okkara bestu sangarum, Fríði Sigmundarson, Ólavur á Váli, Signar í Homrum og Eyðun Nolsøe saman við húsaorkestri fara at framføra allar teir bestu sangskattirnar hjá Kim Larsen, sum eisini í Føroyum eru vorðnir fólkaogn.

Tiltakið var fyrstu ferð fyri einum ári síðani í Dansifrøi og í septembur í Salt á Tvøroyri. Bæði tiltøkin blivu sera væl móttikin, alt bendir á, at tað aftur í ár verður fult hús í Dansifrøi.

Framúr góða húsorkestrið er mannað av: Henning Hjalt Nicodemussen (trummur), Magni Huusgaard (tangentar), Høgni Fagraberg (guitar) og John Johansen (bas). 

Greinin varð fyrstu ferð løgd út 19. mars 2024

Bretska Kate prinsessa fingið staðfest krabbamein

Hon fær viðgerð fyri krabbamein

SkrivaÐ:

Sverri Egholm

Kate prinsessa av Wales er í fyribyrgjandi kemoviðgerð, eftir at royndir í sambandi eina skurðviðgerð í búkinum, sum varð gjørd í januar, vístu, at hon hevði krabbamein.

Hetta upplýsir hon í einari upptøku, sum varð almannakunngjørd í gjár.

Prinsessan, sum er gift við William prinsi, var í tvær vikur í januar mánaði á sjúkrahúsi eftir skurðviðgerðina.

- Læknatoymið ráddi mær til at fara í fyribyrjandi kemoviðgerð, og tað er har vit eru nú, sigur hon.

Einki verður sagt um, hvat slag av krabba, talan er um.

Í februar kom eisini fram, at Charles kongur hevur fingið staðfest krabbamein, og hann er eisini í viðgerð.

Greinin varð fyrstu ferð løgd út 22. mars 2024

Fjórði gosið síðan desember

Grótbræðingin fer í fleiri ættir

(Mynd: Ruv.is)

SkrivaÐ:

Sverri Egholm

Leygarkvøldið fór aftur at goysa á Reykjaneshálvoynni. Hetta er fjórðu ferð síðan desember, at tað goysir nærhendis Grindavík.

Hetta hevur verið væntað seinastu vikurnar, og leygarkvøldið klokkan 20:23 hendi tað so - tveir kilometrar í ein landnyrðing úr Grindavík.

Sambært jarðfrøðingum er talan um tað kraftmiklasta eldgosið síðani 2021.

Sambært myndugleikunum fer grótbræðingin í fleiri ættir, og arbeitt verður við at tryggja hitarør, vandleiðingar og fipurkáplar, sum eru í vanda orsakað av grótbræðingini.

Greinin varð fyrstu ferð løgd út 17. mars 2024

Konfirmantar í Fríðrikskirkjuni pálmasunnudag

-

(Mynd: DroneDirector)

SkrivaÐ:

Innsent

Pálmasunnudag, 24. mars klokkan 11, verður konfirmatión í Fríðrikskirkjuni. Prestur er Ovi Brim.

Konfirmantarnir eru hesi:

Fróði J. Jarnskor, Gerðavegur 14, Syðrugøta. Frá kl. 16.

Rannvá Lognberg, Gaddavegur 40. Frá kl. 17.

Jónas Aronsson Olsen, við Korkusá 9, Norðragøta. Frá kl. 17.

Ronja Ó. Gleðisheygg, Gerðavegur 17, Syðrugøta. Dagurin verður hildin í kirkjukjallaranum í Gøtu frá kl. 16.

Tobias Thomsen, Gaddavegur 39, Nes. Dagurin verður hildin í Skótahúsinum við Løkin frá kl. 17.

Markus Bárðarson Kjeld, Rókavegur 50, Saltnes. Dagurin verður hildin í Hæddini í Runavík frá kl. 15.

Elin Joensen, Torbjarnargøta 6, Norðragøta. Dagurin verður hildin í Tungu 13, Syðrugøtu. Frá kl. 16.

Julian G. Hentze, Sjúrðargøta 36, Norðragøta. Frá kl. 17.

Eli Heinesen, Gerðavegur 11, Syðrugøta. Frá kl. 16.

Magnus Petersen, úti í Bø 11, Syðrugøta. Frá kl. 17.

Seth Johannesen, úti í Bø 5, Syðrugøta. Frá kl. 17.

Pauli Gertsson Jarnskor, í Tungu 11, Syðrugøta. Dagurin verður hildin í Víkingahúsinum í Norðragøtu frá kl. 15.

Elisabeth Sigvardsen, Ellefolden 2, Vedbæk. Dagurin verður hildin í hølinum hjá Vesturskin, á Kneysum 14, Toftir. Frá kl. 17.

Emil Ludvig Jacobsen, Deildarvegur 17, Syðrugøta. Frá kl. 16.

Elian Højgaard, Gaddavegur 31, Nes. Frá kl. 17.

Viktoria Beder Rubeksen, Høganesvegur 23, Toftir. Dagurin verður hildin í kirkjukjallaranum í Fríðrikskirkjuni beint eftir fermingina.

Pætur Lamhauge Petersen, Rókavegur 18, Saltnes. Frá kl. 17.

Dávid Birk Glerfoss, Skálafjarðarvegur 1, Skálafjørður. Frá kl. 16.

Andrias Inuk Iversen, Gaddavegur 24, Nes. Frá kl. 16.

Greinin varð fyrstu ferð løgd út 18. mars 2024

Konfirmantar í Sjóvar kirkju sunnudagin

-

 

SkrivaÐ:

Innsent

Komandi sunnudag, pálmasunnudag, klokkan 11 verður konfirmatión í Sjóvar kirkju. Prestur er Tummas Kannuberg.

Hesi verða konfirmerað:

Aron Rúnason Petersen. Veitslan verður hildin í barnagarðinum á Skála, Gerðisgøta 5, frá kl. 16.

Samulina Alborg Strømsten. Dagurin verður hildin í B68 húsðinum frá kl. 16.

Ranja Fríða Benjaminsdóttir Petersen. Veitslan verður hildin í Gott húsinum á Heiðavegi 81 á Saltangaráð frá kl. 15.

Kristvar Vang Østerø. Dagurin verður hildin á Glyvrum, í hølunum hjá Bátafelagnum á Bakka, frá kl 15.

Eivy Sigvør Zachariassen hevur opiđ hús í Skála skúla fra kl 15.

Nói Reinert Djurhuus. Veitslan verður hildin frá kl. 15 heima á Glyvursvegi 45, Innan Glyvur.

Nikki Ignatiussen. Veitslan verður hildin frá kl 15. Frítíðarstovan, Fløtuvegur 88, Strendur (aftan fyri bygdarhúsið).

Birgit Eiriksdóttir. Opiđ hús í Meinigheitshúsinum á Skála frá kl 17.

Emma Castro Petersen. Opið hús verður í kirkjuhúsinum á Strondum frá kl. 15.

Steffan Okpara. Dagurin verður hildin í bygdahúsinum á Strondum frá kl. 15.

Greinin varð fyrstu ferð løgd út 20. mars 2024

Konfirmantar í Vestmanna kirkju sunnudagin

-

 

SkrivaÐ:

Innsent

Sunnudagin, pálmasunnudag, kl. 11, verður konfirmatión í Vestmanna kirkju. Prestar eru Maria Summers Nolsøe og Ólavur Eysturdal.

Tey, ið verða fermd eru:

Bragi Heinesen í Gerðinum. Dagurin verður hildin í Silkienni, Bakkavegur 11d. Opið hús frá kl. 17

Mattias Madsson. Dagurin verður hildin á Niðara vegi 73. Opið hús frá kl. 15

Pætur Follend Mikkelsen. Dagurin verður hildin á Flatnavegi 18. Opið hús frá kl. 16

Jón Vestergaard. Dagurin verður hildin í Missiónshúsinum frá kl. 15.30

Luca Andrew Rapa. Dagurin verður hildin í Miðnám í Vestmanna. Opið hús frá kl. 15

Fríði Sverrason Eriksen. Dagurin verður hildin á Flatnavegi 16. Opið hús frá kl. 15

Rani Olsen. Dagurin verður hildin á Fjalsvegi 38. Opið hús frá kl. 16

Sólja Maja Johnsdóttir. Dagurin verður hildin á Bakkavegi 52. Opið hús frá kl. 16

Súnfríða Fonsdal Zachariasen. Dagurin verður hildin á Fjørðukrónni. Opið hús frá kl. 17

Sarita Annie Dagfinsdóttir Funn. Dagurin verður hildin á Byrgisvegi 13. Opið hús frá kl. 15

Greinin varð fyrstu ferð løgd út 20. mars 2024

Konfirmantar í Fugjafjarðar kirkju sunnudagin

-

 

SkrivaÐ:

Innsent

Pálmasunnudag. verður konfirmatión í Fuglafjarðar kirkju. Konfirmatiónin byrjar klokkan 11. Prestur er Gerhard Jónsson Mikkelsen. 24 konfirmantar eru:

Eva José dos Santos. Opið hús frá kl 16, Innandalsvegur 16

Brian Mikkjal Beltran. Opið hús frá kl.14 á Børkugøtu 61, Kambsdali

Elisabeth Abrahamsen. Opið hús í Lonini frá kl. 17.

Eyðgerð Elisabet Vík. Opið hús á Garðavegi 11 frá kl.16

Jákup Petersen. Opið hús kl 15 heima í Stovugerði 20

Jayden Sackitey Joensen. Opið hús í Thabor frá kl 16

Jónas Ólavsson Hentze. Opið hús á Bjarnavegi 30 frá kl. 15

Jónstein Jacobsen. Opiđ hús frá kl 16, Sevdalsvegur 1

Jordan Sackitey Joensen. Opið hús í Thabor frá kl 16

Maria Kristina Eyðunsdóttir Joensen. Opiđ hús á Bjarnavegi 8 frá kl 16

Mei Leiti. Opið hús frá kl 16 í Rossagerði 3

Naomi Friang. Opið hús frá kl 17. Brýnið 1.

Røskva J. Joensen. Opið hús frá kl. 17 á Innandalsvegi 4

Sofus Bárðarson Mortensen. Opið hús frá kl 15 á Børkugøtu 49 í Kambsdali

Sólja á Boðanesi. Dagurin verður hildin heima í Stovugerði 8 frá kl 16.30

Hjørdis Tórsdóttir Djurhuus. Opið hús frá kl. 15, Við Bólstein 7 í Leirvík.

Heri Petursson. Opið hús frá kl 16, heima á Eggjarvegi 17 í Leirvík

Jákup Berg Magnussen. Opið hús frá kl 16 á Miðnámi á Kambsdali

Pætur Andreasen. Opið hús frá kl 16 í Missiónshúsinum í Leirvík

Páll í Kálvalíð Hansen. Opið hús frá kl. 17, Gerðisvegur 1, Leirvík

Rebekka Jóhansdóttir Mørkøre. Opið hús frá kl. 16 á Brandstøðini í Leirvík

Tanja Djurhuus. Opiđ hús frá kl 14, Millum svalir 10, Leirvík

Tóra við Gil. Opið hús frá kl. 16 heima á Toftanesi 2, Leirvík

Tórolvur Torkilsson Justinussen. Opið hús frá kl. 15, á Sporamørk 6, Leirvík

Vár Fróðadóttir. Opið hús frá kl. 15 í LÍF húsinum

Greinin varð fyrstu ferð løgd út 20. mars 2024

Konfirmantar í Argja kirkju sunnudagin

-

 

SkrivaÐ:

Innsent

Sunnudagin 24. mars verður konfirmatión í Argja kirkju. Prestur er Bergur D. Joensen.

Og konfirmantarnir eru hesir

Eyð av Húsabrúgv, Reynstún 24. Dagurin hildin frá kl. 17.

Jógvan av Kák, Billugøta 9. Dagurin hildin frá kl. 16.

Tóra Erlandsdóttir, Rygsgøta 19. Dagurin hildin frá kl. 17.

Petur Gaard Jakobsen, Viðargøta 24. Dagurin hildin í Skúlanum á Fløtum, inngongd D, frá kl. 17.

Eir Elise Mortensen, Undir Kongavarda 35, 3 hædd t.v. Dagurin hildin í Argja Róðrafelag frá kl. 17.

Tormóður Elias Nielsen, Reynstún 23. Dagurin hildin í Ungmannafelagshúsinum í Skopun frá kl. 16.

Ísak Gardy Samson, Blankagøta 23, Tórshavn. Dagurin hildin í Argja kirkju frá kl. 16.

Sanna Karbech Saxov, Reynsgøta 49. Dagurin hildin á Hotel Brandan frá kl. 17.

Jónas Sigtórsson, Blankagøta 1, Tórshavn. Dagurin hildin frá kl. 17.

Betty Lucille Blair, Garðsgøta 22, kj. Dagurin hildin á Meinhartstrøð 8 frá kl. 16.

Greinin varð fyrstu ferð løgd út 19. mars 2024

Konfirmantar í Hoyvíkar kirkju pálmasunnudag

-

 

SkrivaÐ:

Innsent

Sunnudagin 24. mars, pálmasunnudag, verður konfirmatión í Hoyvíkar kirkju.

Prestur er Theodor Eli Dam Olsen, og konfirmantarnir eru hesir:

Anita Næss, Dýrindalsgøta 2. Dagurin verður hildin frá kl 17.

Halldis Tórðardóttir, Gillagøta 16. Dagurin verður hildin í Skúlaheiminum í Marknagili frá kl. 14.

Jasmin Müller, Blómubrekka 55, Tórshavn. Dagurin verður hildin í Kirkjukjallaranum í Hoyvíkar kirkju frá kl.15.

Marjun Dánialsdóttir Nolsø, Bertugøta 3. Dagurin verður hildin heima frá kl. 18.

Rannvá Lamhauge, Torkilsgøta 4. Dagurin verður hildin heima frá kl. 16.

Sarita Herrit Svabo Samuelsen, Karlamagnusarbreyt 16 G. Dagurin verður hildin í Posthúskjallarnum kl. 17.

Dávid Hvítklett, Kristiansgøta 26. Dagurin verður hildin heima frá kl 17.

Hanus Qaavigaq Patursson, Vatnaskarðar 30. Dagurin verður hildin í Roykstovuni í Kirkjubø frá kl. 17.

Hávarður Jákup Danielsen, Guttormsgøta 24. Dagurin verður hildin heima frá kl. 15.

Jákup Poulsen, Smærugøta 5, Tórshavn. Dagurin verður hildin heima frá kl. 16.

Jógvan Ziska Simonsen, Dýrindalsgøta 6. Dagurin verður hildin í Arbeiðarafelagshúsinum, Tinghúsvegur 9, inngongd frá Bøkjarabrekku, frá kl.16.

Jónas Fossabrúgv, Guttormsgøta 27. Dagurin verður hildin heima frá kl. 17.

Markus Trygvason Hentze. Maritugøta 7. Dagurin verður hildin fyri innbodnum.

Tóki Hanusarson Horsdal, Millum Gilja 19. Dagurin verður hildin millum Gilja 48 frá kl. 16.

Greinin varð fyrstu ferð løgd út 19. mars 2024

Konfirmantar í Havnar kirkju í morgin

-

 

SkrivaÐ:

Innsent

Konfirmatión verður í Havnar kirkju pálmasunnudag kl. 11. Prestur er Anne Mette G. Klemmensen.

Konfirmantarnir eru:

Bjørk Dánjalsdóttir Absalonsen, Tjarnarlág 7. Opið hús frá kl. 16. 

Eva Albinsdóttir, Áargeil 23. Opið hús frá kl. 17.  

Annika Fríða Hammershaimb Anthoniussen, Hoyvíksvegi 72. Vælkomst frá kl. 16. 

Julia Hilmarsdóttir Anthoniussen, C. Pløyens gøtu 8. Opið hús frá kl. 16.

Marius Volker Behrens. Kantinan í høvuðsbygninginum hjá Faroe Ship. Opið hús frá kl. 15.

Cecilia Berg, Tórugøtu 37. Opið hús frá kl. 16.

Rita Maria Arge Dalsgaard, Heinagøtu 5. Opið hús frá kl. 17.

Gyða Beata Djónadóttir, Varðagøtu 9 (KFUK). Opið hús frá kl. 15.

Marcus Johansson Egholm, Niels Finsens gøtu 23. Opið hús frá kl. 16.

Rúni Svabo Egholm, Lítlatrøð 6. Opið hús í Kiwanishúsinum, Jøkulstræti 4 frá kl. 16. 

Heiðrún Bogadóttir Enni. Dagurin verður hildin í Ryskigøtu 25.  

Elin Elmelund Hansen, Spógvavegi 40. Opið hús frá kl. 17. 

Búi Holm, Óðinshædd 44. Opið hús í Odd Fellow húsinum, Grønlandsvegi 56 frá kl. 17. 

William Jan Højgaard, Heinagøtu 5. Opið hús frá kl. 17. 

Arina Biritudóttir Iversen. Í Kantinuni á Posta, Óðinshædd 2. Opið hús frá kl. 16. 

Emma Dam Jacobsen, Frelsunarherurin, (ovaru hædd). Opið hús frá kl. 17.

Elin Joensen, Tórgarðsgøtu 5. Opið hús frá kl. 17. 

Isabella Franksdóttir í Kálvalíð. Opið hús í Glæmuni, Kvívík, Junkaravegi 1, frá kl. 17. 

Heiðrun Torbjørnsdóttir Lisberg, Havnar Handverkarafelag, Stoffalág 60. Opið hús frá kl. 16.

Anna Fríða Magnussen, MEGD húsið, Íslandsvegi 10C. Opið hús frá kl. 17.

Mattias Mc. Intosh, Starvsfelagshúsið, J. H. Schrøtersgøtu 9. Opið hús frá kl. 17. 

Johan Astrod Pareja Michelsen, Bjarnoyarvegi 6. Veitsla fyri innbodnum.

Petur Bárðarson Michelsen, Tórgarðsgøtu 29. Dagurin verður hildin skírhdag 28. mars í Kiwanis, Jøkulstræti 4 frá kl. 15.

Fríða Gunnarsdóttir Mouritsen, Djóna í Geils gøtu 61. Opið hús frá kl. 16.

Sigga Smæra Næs. Dagurin verður hildin í Bridgehúsinum í Gundadali frá kl. 17.

Maynard Tyril-Olsen, Yviri við Strond 103. Opið hús frá kl. 16.

Reinar Rúnason. Dagurin verður hildin í Broncks, Jónas Broncks gøtu 17. Opið hús frá kl. 16.30.  

Ria Reinert Vesturklett, Oman Viðarlund 21. Opið hús frá kl. 17.

Lea Mohr Ziska, Tjarnardeild 9, Føroya Arbeiðarafelag. Vælkoma frá kl. 16.

Villiam Arnold Weihe Øster, Ægishædd 9. Opið hús frá kl. 17. 

Greinin varð fyrstu ferð løgd út 23. mars 2024

Konfirmantar í Hósvíkar kirkju í morgin

-

 

SkrivaÐ:

Innsent

Pálmasunnudag kl. 11 verður konfirmatión í Hósvíkar kirkju. Prestur er Jákup E. Petersen.

Konfirmantarnir eru:

Brandur Reginsson Eldevig, Traðavegur 3, Streymnes. Dagurin verður hildin á Eggjarvegi 17, Leirvík, frá kl.16.

Dánjal Jákup Oddbjørnsson, Glaðsgøta 8, Hósvík. Dagurin verður hildin í Skúlanum við Áir frá kl. 16. 

Heini Dahl-Olsen, Nýggjavegsbrekka 4, Streymnes. Dagurin verður hildin heima frá kl. 16.

Hjørleif Zachariasen, Traðavegur 40, Streymnes. Dagurin verður hildin heima frá kl. 14.

Jákup Bergfinn Weihe Joensen, Hvalvíksvegur 3, Hvalvík. Dagurin verður hildin í Gott í Saltangará skírisdag tann 28. mars frá 15-20.

Jonna á Horn, Traðavegur 28, Streymnes. Dagurin verður hildin heima frá kl. 15. 

Jonn Kristleifsson, Gerðisvegur 6, Hvalvík. Dagurin verður hildin í Hvalvíkar Missiónshúsi frá kl. 16. 

Jóannes Hellisá, Traðavegur 37, Streymnes. Dagurin verður hildin heima frá kl. 15.

Kristin Samuelsen, Bakkavegur 60, Haldórsvík. Dagurin verður hildin í Avhaldshúsinum frá kl. 17.

Marius Svenning Danielsen, Neystavegur 17, Streymnes. Dagurin verður hildin heima frá kl. 16.

Markus Larsen (DK), Traðavegur 42, Streymnes. Dagurin verður hildin heima frá kl. 15.

Markus Samuelsen, Brekkugerði 10, Hósvík. Dagurin verður hildin heima frá kl 16.

Oddmar Olsen, Brekkugerði 11, Hósvík. Dagurin verður hildin heima frá kl. 16.

Ranja Bisp, Brekkugerði 7a, Hósvík. Dagurin verður hildin heima frá kl. 15.

Sonja Dalfoss, Fløtugøta 1, Hósvík. Dagurin verður hildin í Bygdarhúsinum frá kl. 16.

Trúgvi Egholm, Traðavegur 42, Streymnes. Dagurin verður hildin heima frá kl. 15.

Greinin varð fyrstu ferð løgd út 23. mars 2024

Konfirmantar í Vesturkirkjuni í morgin

-

 

SkrivaÐ:

Innsent

Konfirmatión verður í Vesturkirkjuni í Havn pálmasunnudag kl. 11. Prestur er Derhard Jógvansson.

Konfirmantarnir eru:

Aibritt á Plógv, Bóndaheygur 9. Dagurin verður hildin í kantinuni í PM Heilsølu, Hoyvíksvegur 74, frá klokkan 15.

Anna Slættanes, Viðargøta 62, Argir. Dagurin verður hildin frá klokkan 16.

Bára Lamhauge Jacobsen, Bjarnoyarvegur 5. Dagurin verður frá klokkan 14.30.

Charlie Elliot Juhl av Teigum, Villumsgøta 14. Dagurin verður hildin í hølinum hjá Havnar Arbeiðskvinnufelag, Bøgøta 10, frá klokkan 16.

Elias Søderstrøm Zachariassen, Eiriksgøta 5. Dagurin verður hildin í Grønlendingahúsinum frá klokkan 16.

Emilia Maria Vang Heinadóttir, Mikkjalstrøð 13. Dagurin verður hildin frá klokkan 17.

Hans Marni Gert Nielsen, Sigmundargøta 32. Dagurin verður hildin í ovaru hædd á Skeiva Pakkhúsi, inngongd frá Sigmundargøtu 19, frá klokkan 17.

Katrin Lilja Lamain í Horni, á Frælsinum 25. Dagurin verður hildin frá klokkan 17.

Katrin Rúnarsdóttir Reistrup, Heygsbreyt 4. Dagurin verður hildin frá klokkan 17.

Kári Klæmintsson Matras, á Heygnum Mikla 3. Dagurin verður hildin í hølunum hjá SEV á Landavegnum 92, frá klokkan 16.

Lín Guttesen, Jónas Broncksgøta 31. Dagurin verður hildin í matstovuni Seven, Jónas Broncks gøta 31, frá klokkan 14.

Lív Malan Jacobsen, á Frælsinum 4 kj. Dagurin verður hildin á Elnet, Stiðjagøta 5, frá klokkan 16.

Lóa Sigrið Dal Christiansen, Torfinsgøta 32. Dagurin verður hildin frá klokkan 16.

Marjun Slættanes, Viðargøta 62, Argir. Dagurin verður hildin frá klokkan 16.

Mira Malunardóttir Brøðraberg, Jákups Nolsøesgøta 32. Dagurin verður hildin á Sjóndeplinum, Íslandsvegur 10A, frá klokkan 16.

Óðin Eldevig, Varðabyrgi 24. Dagurin verður hildin á Fugloyarvegi 12 frá klokkan 17.

Pætur Lind Krosstein, Kovalág 3. Dagurin verđur hildin í gomlu Losjuni, Tinghúsvegur 18, frá klokkan 17.

Rannvá Píl Heinesen, Tinghúsvegur 53. Dagurin verður hildin í Sjónleikarhúsinum frá klokkan 17.

Ronja í Dali, Heimasta Horn 34, 1.3. Dagurin verður hildin í kantinuni á Føroya Læraraskúla frá klokkan 14 til 21.

Rókur Stenberg Madsen, Lambagerði 15. Dagurin verður hildin í Silo, Vestarabryggja 15 frá klokkan 14.

Silja Rubensdóttir Magnussen, Hvannasundsgøta 6. Dagurin verður hildin frá klokkan 15.

Sofía Sigurstein, Jákup Nolsøes gøta 14. Dagurin verður hildin í hølunum hjá KFUM á Hoydalsvegi 6 frá klokkan 15.

Sólrun Sesilia Sigtórsdóttir Lützen, Syðradalsvegur 27, Syðradalur S. Dagurin verður hildin í hølunum hjá Føroya Ríðingarfelag frá klokkan 16.

Teitur Pætursson Klettskarð, Velbastaðvegur 32. Dagurin verður hildin frá klokkan 17.

Tóki Bárðarson Dahl, Varðagøta 63. Dagurin verður hildin í hølunum hjá Wenzel Service á Gamla Velbastaðvegi 15 frá klokkan 15. 

Greinin varð fyrstu ferð løgd út 23. mars 2024

Konfirmantar í Christianskirkjuni í morgin

-

 

SkrivaÐ:

Innsent

Pálmasunnudag kl. 11 verður konfirmatión í Christianskirkjuni í Klaksvík. Prestur er Hanus á Gørðum.

Konfirmantarnir eru:

Ester á Gørðum á Brekku 5. Dagurin verður hildin í kirkjukjallaranum frá kl.17

Súsanna Johnsdóttir Oman eið 3. Dagurin verður hildin frá kl.15

Eyðhild Jørgensen Stangavegur 49. Dagurin hildin í Skálanum frá kl 15

Sofía við Ravnagil Geilin 23. Dagurin verður hildin frá kl.16

Hanna Waag Víkavegur 83. Dagurin hildin í Missiónshúsinum á Viðareiði frá kl.16

Ariel Alstad Stampe Dagurin verður hildin í Gamla sjómansskúlanum, Garðavegur 10, frá 16-20

Hans Andrias Arge Kjalarvegur 18. Dagurin verður hildin frá kl.16

Amaliel í Beiti, Undir Grashjalla 4. Dagurin hildin frá 17

Julian Hansen, Undir Klakki 7. Dagurin verður hildin Barnahúsið Margit frá kl.17

Silas Ragnarsson Højsted, Heygavegur 31. Dagurin verður frá kl17

Eyðun Lamhauge, Oyrarvegur 22. Dagurin verður hildin frá kl.17

Elias Addisu Lützen Stoksoyrarvegur. Dagurin veðrur hildin í Skótahúsinum Gerðagøta 11, frá kl.15

Patrick Edvin Madayag Kjærbo, Stoksoyrarvegur 48, Klingurgarðinum uppi á loftinum hjá KBI frá kl.16-20

Markus í Mittúni, á Brekku 36. Dagurin hildin Norðoya Kvinnufelag, Bøgøta 3 frá kl.16

Hugin Pállsson, Kráargøta 66. Dagurin verður hildin frá kl.16

Emil Linklett Poulsson, Rygsvegur 4. Dagurin hildin á Heygavegi 56, Gamla Norðva frá kl.15.30

Tórur við Ravnagil, Geilin 23. Dagurin verður hildin frá kl.16

Jógvan Kári Sigurðsson, á Brekku. Dagurin verður hildin í Bátafelagnum, gamla roykivirkið, frá kl.16

Dávid Svabo, Millum hjalla. Konfirmatión verður hildin fyri innbodnum

Anfinn Vang Vilhelm, Mylnugøta 23. Dagurin verður hildin frá kl.17

Jónatan Olgarsson Eysturskor, Kjalarvegur 52. Dagruin verður hildin Millum Hjalla 29 frá kl.17 

Greinin varð fyrstu ferð løgd út 23. mars 2024

Konfirmantar í Húsavíkar kirkju í morgin

-

 

SkrivaÐ:

Innsent

Konfirmatión verður í Húsavíkar kirkju pálmasunnudag kl. 11. Havstein Klein er prestur.

Konfirmantarnir eru

Teodora Sigfríð Hentze, Heimasandsvegur 14, Sandur, opið hús frá kl. 16.

Kristina Fríða Wilhelmsdóttir, Fram við Ánni 15, Húsavík, opið hús frá kl. 16.

Jonhild Ørvarodd, opið hús í missiónshúsinum á Sandi frá kl. 14.

Rógvi Sigurd Herálvsson Jensen, Áarbøur 3, Sandur, opið hús frá kl. 15.

Fróði Hentze, undir Reynum 13, Sandur, opið hús frá kl. 16. 

Greinin varð fyrstu ferð løgd út 23. mars 2024

Konfirmantar í Vágs kirkju í morgin

-

 

SkrivaÐ:

Innsent

Pálmasunnudag kl. 11 verður konfirmatión í Vágs kirkju við Patrick de Neergaard, presti.

Konfirmantarnir eru:

Kristin Mortansson Dagurin verður hildin í skótahúsinum, frá kl. 15.

Bogi Augustinussen Dagurin verður hildin heima Í Mýrunum 4, frá kl. 16.

Líggjas Beder Grástein, Porkeri. Dagurin verður hildin í Missiónshúsinum í Porkeri, frá kl. 15.

Danjal Jákup Ripley, Porkeri. Dagurin verður hildin í Húsinum við Á, frá kl. 15.

Jens Ari Beintuson Kjærbo. Dagurin verður hildin heima í Geiluni 49, frá kl. 15.

Dann Markus Joensen. Dagurin verur hildin heima á Eiðisvegi 15, frá kl. 16.

Silas í Lágabø Dagurin verður hildin í kantinuni á Miðnámsskúlanum í Suðuroy, frá kl. 15.

Anna Aleksandra Karstinsdóttir, Sumba. Dagurin verður hildin í dansistovuni í Sumba, frá kl. 14.

Diana Bech Dagurin verður hildin í Meinigheitshúsinum, frá kl. 16.

Nomi Hjørdis Vejhe Hansen, Porkeri Dagurin verður hildin í Porkeris skúla, frá kl. 15.

Bára Gunnleyg Joensen, Sumba Dagurin verður hildin í skúlanum í Sumba, frá kl. 16.

Viktoria Mariusdóttir Kærbech Dagurin verður hildin í hølinum hjá Vágs kappróðrarfelagið, frá kl. 14.

Femja Mørk Petersen Dagurin verður heima á Marknoyrarvegi 7, frá kl. 15. 

Ingvá Ann Hansen, Dagurin verður hildin fyri innbodnum á Garðslon.

Paula Armonaviciute Niclasen. Dagurin verður hildin í Pakkhúsinum, frá kl. 14.

Eva Margrethe Debess Dagurin verður hildin heima á Vágsvegi 9, frá kl. 17. 

Greinin varð fyrstu ferð løgd út 23. mars 2024